ଭୋପାଳ: କୋରୋନା ସଂକ୍ରମଣ ସମୟରେ ହସ୍ପିଟାଲରୁ ଗାୟବ କୋରୋନା ଇଞ୍ଜେକ୍ସନ । ମହାମାରୀ ବିରୁଦ୍ଧରେ ଜୀବନ ରକ୍ଷକ ସାଜିଥିବା ରେମଡେସିଭିର ଚୋରି ହୋଇଯାଇଛି । ଏକାଥରକେ 800 ଟି ଇଞ୍ଜେକ୍ସନ ଚୋରି ହୋଇଛି । କୋରୋନା କାଳରେ ମଧ୍ୟପ୍ରଦେଶର ଭୋପାଳ ସ୍ଥିତ ଏକ ସରକାରୀ ହସ୍ପିଟାଲର ଏଭଳି ଅବହେଳାର ସାମ୍ନାକୁ ଆସିଛି ।
ସାରା ଦେଶରେ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ରେମଡେସିଭିରର ଘୋର ସଙ୍କଟ ଦେଖିବାକୁ ମିଳୁଛି । ଫଳରେ ସରକାର ରେମଡେସିଭିର ଉତ୍ପାଦନ ନେଇ ଗୁରୁତ୍ବ ଦେଉଥିବାବେଳେ କଳାବଜାରୀଙ୍କ ଏହାର ଫାଇଦା ନେଉଛନ୍ତି ।
ସେପଟେ, ହସ୍ପିଟାଲରୁ ଇଞ୍ଜେକ୍ସନ ଚୋରି ପରେ ପୋଲିସ ସିସିଟିଭି ଫୁଟେଜ ଯାଞ୍ଚ କରୁଛି । ଡାକ୍ତରଖାନା କର୍ତ୍ତୃପକ୍ଷଙ୍କ ଦ୍ବାରା ଇଞ୍ଜେକ୍ସନ ଚୋରି ହେବାର ସମ୍ଭାବନା ରହିଛି ବୋଲି କୋହେଫିଜା ପୋଲିସ ଷ୍ଟେସନ ଦାୟିତ୍ବରେ ଥିବା ଅନୀଲ ବାଜପେୟୀ କହିଛନ୍ତି। ନିକଟରେ, ରେମଡେସିଭିର ଇଞ୍ଜେକ୍ସନକୁ ବ୍ଲାକରେ ବିକ୍ରି କରୁଥିବା ବେଳେ ଜଣେ ଯୁବକରୁ ଗିରଫ କରାଯାଇଥିଲା । ଗୋଟିଏ ଇଞ୍ଜେକ୍ସନର ଦାମକୁ ଅଭିଯୁକ୍ତ 22 ହଜାର ଟଙ୍କାରେ ବିକ୍ରି କରିଥିବା ଜଣାପଡିଛି ।
ସୂଚନାଯୋଗ୍ୟ, ଦେଶରେ କୋରୋନା ସ୍ଥିତି ଭୟଙ୍କର ହୋଇପଡିଛି । ରୋଗୀ ସଂଖ୍ୟା ଦେଖି ହସ୍ପିଟାଲକୁ ବେଡ ଓ ଇଞ୍ଜେକ୍ସନ ପଠାଯାଉଛି । କୋରୋନା ଆକ୍ରାନ୍ତ ହୋଇ ଫୁସଫୁସ ସଂକ୍ରମଣର ସମ୍ମୁଖୀନ ହେଉଥିବା ଜଣେ ରୋଗୀକୁ 5 ଦିନରେ ରେମଡେସିଭିର 6 ଟି ଇଞ୍ଜେକ୍ସନ ଦିଆଯାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
