ନୂଆଦିଲ୍ଲୀ: ଫରିଦାବାଦରେ ଲୋକତନ୍ତ୍ର ସୁରକ୍ଷା ପାର୍ଟିର ଜଣେ ଯୁବ ନେତାଙ୍କୁ ଗୁଳି କରି ହତ୍ୟା କରିଛନ୍ତି ଦୁବୃର୍ତ୍ତ । ମୃତ ଯୁବନେତା ଜଣଙ୍କ ହେଲେ ମନୋଜ ଭାଟି । ତାଙ୍କ ଘର ଫରିଦାବାଦର ସେକ୍ଟର 31 ଅଞ୍ଚଳରେ ବୋଲି ଜଣାପଡିଛି । ହତ୍ୟାକାରୀମାନେ ଏକ ବିଳାସପୂର୍ଣ୍ଣ ଗାଡିରେ ଆସି ଗୁଳିରେ ହତ୍ୟା କରିବା ପରେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ଏହି ଘଟଣାରେ ଅନୁସନ୍ଧାନ ଆରମ୍ଭ କରିଛି କ୍ରାଇମବ୍ରାଞ୍ଚ ଏବଂ ବରିଷ୍ଠ ପୋଲିସ ଅଧିକାରୀଙ୍କ ଏକ ଟିମ । ଅଭିଯୁକ୍ତକୁ ଶୀଘ୍ର ଗିରଫ କରାଯିବ ବୋଲି ପୋଲିସ ଦାବି କରିଛି।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ମୃତ ମନୋଜ ଭାଟି ସେକ୍ଟର 31 ଅଞ୍ଚଳରେ ନିଜର ସମ୍ପତ୍ତି ବିକ୍ରି କରିବା ପାଇଁ କିଛି ବନ୍ଧୁଙ୍କୁ ଭେଟିବାକୁ ଆସିଥିଲେ । ସେଠାରୁ ସେ ଫେରିବା ସମୟରେ ଏକ ଫର୍ଚୁନର ଗାଡିରେ କିଛି ଯୁବକ ଆସି ତାଙ୍କ ଉପରକୁ ଗୁଳି ଚଳାଇ ଘଟଣାସ୍ଥଳରୁ ଫେରାର ହୋଇଯାଇଥିଲେ ।
ପୋଲିସ ସୂଚନାନୁସାରେ କ୍ରାଇମବ୍ରାଞ୍ଚର ଅନେକ ଟିମ୍ କ୍ରମାଗତ ଭାବେ ଏହି ଘଟଣାରେ ତଦନ୍ତ ଜାରି ରଖିଛି । ଓ ଖୁବ ଶିଘ୍ର ହତ୍ୟାକାରୀକୁ ଧରିବାରେ ସଫଳ ହେବ ବୋଲି ପୋଲିସ କହିଛି । ଅନ୍ଯପଟେ ଫରିଦାବାଦ ଅଞ୍ଚଳରେ ଦିନକୁ ଦିନ ହତ୍ଯା ଓ ଅପରାଧ ବଢି ଚାଲିଥିବାବେଳେ ପୋଲିସ ଓ ପ୍ରଶାସନର ଭୂମିକାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
