ନୂଆଦିଲ୍ଲୀ: ଗୁଗଲ ସର୍ଚ୍ଚରେ ସବୁଠାରୁ ଆଗରେ ଯୋଗୀ ଆଦିତ୍ୟ ନାଥ । ଦେଶ ବିଦେଶରେ 21 ଜୁନ୍ରୁ 18 ଜୁଲାଇ ମଧ୍ୟରେ କୋଟି କୋଟି ସଂଖ୍ୟାରେ ଲୋକେ ଗୁଗଲରେ ଯୋଗୀଙ୍କୁ ସର୍ଚ୍ଚ କରିଛନ୍ତି। ଗୁଗଲ ସର୍ଚ୍ଚର ଟ୍ରେଣ୍ଡରେ ଯୋଗୀ ସପା ପ୍ରମୁଖ ଅଖିଳେଶ ଯାଦବ ଏବଂ ବସପା ସୁପ୍ରିମୋ ମାୟାବତୀଙ୍କୁ ମଧ୍ୟ ପଛରେ ପକାଇଛନ୍ତି ।
ତେବେ ଏହି ଟ୍ରେଣ୍ଡରେ ସବୁଠାରୁ ଆଗରେ ଯୋଗୀ ରହି ଥିବାବେଳେ ଦ୍ବିତୀୟରେ ଅଖିଳେଶ ଯାଦବ ଏବଂ ତୃତୀୟରେ ରହିଛନ୍ତି ବସପା ସୁପ୍ରିମୋ ମାୟାବତୀ ।
ପୂର୍ବରୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ମାୟାବତୀଙ୍କ ମଧ୍ୟରେ ତୃତୀୟ ସ୍ଥାନକୁ ନେଇ ଦୌଡ ଚାଲିଥିବାବେଳେ ଚତୁର୍ଥ ସ୍ଥାନକୁ ଖସିଛନ୍ତି ମମତା । ସେହିପରି କଂଗ୍ରେସ ମହାସଚିବ ପ୍ରିୟଙ୍କା ଭଦ୍ରା ପଞ୍ଚମ ସ୍ଥାନରେ ରହିଛନ୍ତି ।
