ପାଟନା: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିହାରର ପାଲିଗଞ୍ଜରେ ଏକ ନିର୍ବାଚନ ରାଲିକୁ ସମ୍ବୋଧନ କରିଛନ୍ତି । ଏଠାରେ ସେ କଂଗ୍ରେସ ଏବଂ ରାଷ୍ଟ୍ରୀୟ ଜନତା ଦଳ (ଆରଜେଡି)କୁ ଟାର୍ଗେଟ କରିଛନ୍ତି। ଯୋଗୀ ଆଦିତ୍ୟନାଥ କହିଛନ୍ତି ଯେ ଦେଶ ଭାଙ୍ଗିବା କଥା କହୁଥିବା ଲୋକଙ୍କୁ ଆରଜେଡି ଏବଂ କଂଗ୍ରେସ ସମର୍ଥନ କରୁଛନ୍ତି। ତାଙ୍କର ଷଡଯନ୍ତ୍ର ଦେଶରେ ପୁଣି ଆତଙ୍କବାଦ ଏବଂ ନକ୍ସଲତା ବୃଦ୍ଧି କରିବ।
ଯୋଗୀ କହିଛନ୍ତି ଯେ ଯେଉଁମାନେ ଭାରତକୁ ଭାଗଭାଗ କରିବା ପାଇଁ ଉଚ୍ଚ ଶିକ୍ଷାନୁଷ୍ଠାନରେ ସ୍ଲୋଗାନ ଦେଉଛନ୍ତି ସେମାନଙ୍କୁ କଂଗ୍ରେସ ଏବଂ ଆରଜେଡି ସମର୍ଥନ କରୁଛନ୍ତି । ଏହା ଭାରତ ରାଜନୀତିରେ ଏକ ବଡ ଦୁର୍ଭାଗ୍ୟ । ଏହି ଲୋକେ ଦେଶରେ ଆତଙ୍କବାଦ, ନକ୍ସଲବାଦକୁ ପ୍ରୋତ୍ସାହିତ କରିବାକୁ ଷଡଯନ୍ତ୍ର କରୁଛନ୍ତି। ଆମେ ସେମାନଙ୍କ ଷଡଯନ୍ତ୍ରକୁ ସଫଳ ହେବାକୁ ଦେବୁ ନାହିଁ ବୋଲି ଯୋଗୀ କହିଛନ୍ତି ।
ସେ ଏହା ମଧ୍ୟ କହିଛନ୍ତି ଦେଶରେ ଦୀର୍ଘ ସମୟ ଧରି କଂଗ୍ରେସ ଶାସନ କରିଥିଲା। 2004-2014 ମଧ୍ୟରେ କେନ୍ଦ୍ରରେ UPA ସରକାର ଥିଲା ଏବଂ RJD ଏହାର ଅଂଶ ଥିଲା । ସେ ଦଶ ବର୍ଷରେ ଗରିବଙ୍କ ପାଇଁ କ’ଣ କଲେ ? 2014 ରେ ମୋଦି ସରକାର ପ୍ରଥମେ ଗରିବ ଲୋକଙ୍କ ପାଇଁ କାମ କରିଥିଲେ । ମୋଦି ସରକାର କାହା ସହିତ ଭେଦଭାବ କରିନାହାଁନ୍ତି।
ଯୋଗୀ ଆଦିତ୍ୟନାଥ କହିଛନ୍ତି ଯେ ଆମ ପାଇଁ ସମଗ୍ର ଦେଶ ହେଉଛି ପରିବାର କିନ୍ତୁ କଂଗ୍ରେସ ଏବଂ ଆରଜେଡି ପାଇଁ ପରିବାର ହେଉଛି ଦଳ ଏବଂ ଦଳ ହେଉଛି ଦେଶ। ସେମାନେ ଦେଶ ବିରୋଧରେ ବିଭାଜନ ରାଜନୀତି କରନ୍ତି।
