ମୁମ୍ବାଇ: ମହାରାଷ୍ଟ୍ରର ଗଡଚିରୋଲି ଜିଲ୍ଲାରେ ସି-60 ୱିଙ୍ଗର କମାଣ୍ଡୋଙ୍କ ସହ ଗୁଳିବିନିମୟ ସମୟରେ ଜଣେ ମହିଳା ମାଓବାଦୀର ମୃତ୍ୟୁ ହୋଇଥିବା ସୂଚନା ଦେଇଛି ପୋଲିସ । ବୁଧବାର ଅପରାହ୍ନରେ ମାଓପ୍ରବଣ ଜିଲ୍ଲାର ଡୋଳନ୍ଧା ଜଙ୍ଗଲରେ ଏହି ଏନକାଉଣ୍ଟର ହୋଇଥିବା ଜଣାପଡିଛି ।
ଗଡଚିରୋଲି ଏସପିଙ୍କ କାର୍ଯ୍ୟାଳୟ ପକ୍ଷରୁ ଜାରି କରାଯାଇଥିବା ବିଜ୍ଞପ୍ତି ଅନୁଯାୟୀ ଜିଲ୍ଲା ପୋଲିସର ସି -60 କମାଣ୍ଡୋ ଜଙ୍ଗଲରେ ମାଓ ବିରୋଧୀ ଅପରେସନ କରୁଥିବା ବେଳେ ସେମାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା ।
ପରେ ଏନକାଉଣ୍ଟର ସ୍ଥାନରେ ଜଣେ ମହିଳା ମାଓବାଦୀର ମୃତଦେହ ମିଳିଥିବା ଦେଖିବାକୁ ମିଳିଛି । ମୃତ ମାଓବାଦୀର ପରିଚୟ ଏପର୍ଯ୍ୟନ୍ତ ଜଣାପଡିନାହିଁ । ତେବେ ଏହି ଅପରେସନରେ ବିପୁଳ ମାଓ ସାମଗ୍ରୀ ଜବତ କରିଛି ପୋଲିସ ।
