ନୂଆଦିଲ୍ଲୀ: ଦୁର୍ଘଟଣାଗ୍ରସ୍ତ ପାକିସ୍ତାନ ବାୟୁସେନାର ଏଫ୍-16 ବିମାନ । 23 ମାର୍ଟ୍ଟ ପରେଡର ଅଭ୍ୟାସ ସମୟରେ ଇସଲାମାବାଦରେ ଏପରି ଅଘଟଣ ଘଟିଛି । ତେବେ ଏନେଇ ଫୋର୍ସର ମୁଖପାତ୍ର ବୁଧବାର ସୂଚନା ଦେଇ କହିଛନ୍ତି ।
ପିଏଏଫ୍ ମୁଖପାତ୍ର ୱିଙ୍ଗ କମାଣ୍ଡର ନୋମାନ ଆକ୍ରାମ ଏହି ଘଟଣାରେ ଶହୀଦ ହୋଇଛନ୍ତି । ଦୁର୍ଘଟଣାସ୍ଥଳକୁ ଉଦ୍ଧାରକାରୀ ଦଳ ପହଞ୍ଚିଥିବା ସେ କହିଛନ୍ତି । ତେବେ କେଉଁ କାରଣରୁ ଦୁର୍ଘଟଣା ଘଟିଲା, ସେନେଇ ଏୟାର ହେଡକ୍ବାର୍ଟରର ଏକ ଅନୁସନ୍ଧାନକାରୀ ଦଳକୁ ତଦନ୍ତ ପାଇଁ ପଠାଯାଇଛି ବୋଲି ପିଏଏଫ୍ ମୁଖପାତ୍ର ବିବୃତ୍ତି ରଖିଛନ୍ତି ।
ସୂଚନା ଅନୁସାରେ, ଗତ ମାସରେ ପାକିସ୍ତାନ ବାୟୁସେନାର ଏକ ଟ୍ରେନର ବିମାନ ମର୍ଡାନ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ସେହିପରି ଏକ ସପ୍ତାହ ପୂର୍ବରୁ ମିରାଜ ବିମାନ ପଞ୍ଜାବର ୱାଙ୍ଗ ଜିଲ୍ଲାର ଶର୍କୋଟ ସହ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା।
ଏପଟେ ଜାନୁୟାରୀ ମାସରେ, ମିଆନୱାଲିର ଏମ୍ ଆଲାମ ବେସ ନିକଟରେ ଟ୍ରେନିଂ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଯେଉଁଥିରେ 2 ଜଣ ପିଏଏଫ୍ ପାଇଲଟ ଶହୀଦ ହୋଇଥିଲେ ।
