ହାଇଦ୍ରାବାଦ: ଲକ୍ଷ ଲକ୍ଷ ଲୋକଙ୍କୁ ବର୍ତ୍ତମାନ ସୁଦ୍ଧା ହ୍ବାଟ୍ସଆପ୍ ଏତି ସୁଖଦ ଅନୁଭୂତି ଯୋଗାଇଥିବା ବେଳେ ଏବେ ଏକ ଇଣ୍ଟିଗ୍ରେସନ ଏହି ଅନୁଭୂତିରେ ରୋକ ଲଗାଇପାରେ । ପୂର୍ବରୁ ବିନା ଆଡରେ ସୁରକ୍ଷିତ ଚାଟ, ବିନା ପପ୍ ଅପ୍ସ ଓ ବିନା କୌଣସି ବିଭ୍ରାଟରେ ବିଶ୍ବବ୍ୟାପୀ ୟୁଜର୍ସ ଚାଟିଂର ଅନୁଭୂତି ପାଉଥିବା ବେଳେ ଏବେ ଫେସବୁକ ପରିବାର ଦ୍ବାରା ଏଥିରୋ ଯୋଡି ହେବାକୁ ଯାଉଛି ଏକ ଇଣ୍ଟିଗ୍ରେସନ ।
ନିକଟରେ ଫେସବୁକ ସିଇଓ ମାର୍କ ଜ୍ୟୁକରବର୍ଗ ନିଜ ସ୍ବପ୍ନ ପୂରଣ କରିବା ପାଇଁ ଆଉ ପାଦେ ଆଗକୁ ବଢାଇଛନ୍ତି । ନିଜର ସମସ୍ତ ସର୍ଭିସକୁ ଗୋଟିଏ ପ୍ଲାଟଫର୍ମରେ କ୍ରସ କରାଇବାର ଇଣ୍ଟିଗ୍ରେସନ ଜ୍ୟୁକରବର୍ଗଙ୍କ ଇଚ୍ଛା ରହିଥିବା ବେଳେ ଏବେ ଏହା ପୂରଣ ହେବାକୁ ଯାଉଛି । ଯାହାକୁ ନେଇ ସୋସିଆଲ ମିଡିଆର ରୂପରେଖରେ ପରିବର୍ତ୍ତନ ହେବ ବୋଲି ଆଶା କରାଯାଉଛି । ତେବେ ଏହି ଇଣ୍ଟିଗ୍ରେସନ ଦ୍ବାରା ଫେସବୁକ, ମେସେଞ୍ଜର, ଇନଷ୍ଟାଗ୍ରାମ ଓ ହ୍ବାଟ୍ସଆପ୍ର ଡାଟା ଗୋଟିଏ ପ୍ଲାଟଫର୍ମପରେ ମିଳିପାରିବ ।
2014ରେ 19 ବିଲିୟନ ଡଲାର ବ୍ୟୟରେ ହ୍ବାଟ୍ସଆପ ଉପରେ ଫେସବୁକ ନିଜ ଆଧିପତ୍ୟ ବିସ୍ତାର କରିଥିଲା । ଏହା ପରେ ପରେ ହ୍ବାଟ୍ସଆପ୍ର ଉଭୟ ଉପପ୍ରତିଷ୍ଠାତା ବ୍ରାଏନ ଆକ୍ଟନ ଓ ଜାନ କୌମ କମ୍ପାନୀର ହାତ ଛାଡିଥିଲେ । ଫେସବୁକ ସିଇଓ ମାର୍କ ଜ୍ୟୁକରବର୍ଗଙ୍କ ସହ ମତାନ୍ତର ପାଇଁ ଉଭୟେ କମ୍ପାନୀ ଛାଡିଥିବା ପରବର୍ତ୍ତୀ ସମୟରେ ସ୍ପଷ୍ଟ କରିଥିଲେ । ସେପଟେ ଡାଟା ପ୍ରାଇଭେସ, ଏନକ୍ରିପ୍ସନ ଓ ଇସୁ ଲାଇନ ମନିଟରିଂରେ ମାର୍କ ଜୁକରବର୍ଗଙ୍କ ନିଷ୍ପତ୍ତି ସେମାନଙ୍କ ମତଠାରୁ ଢେର ଭିନ୍ନ ରହିଥିବା ଦେଖାୟାଇଥିଲା ।
ତେବେ ଆଗକୁ ଆସୁଥିବା ଏହି ପରିବର୍ତ୍ତନ ୟୁଜର୍ସଙ୍କୁ କେତେ ବାନ୍ଧି ରଖିପାରିବ ତାହା ଦେଖିବା ବାକି ରହିଛି ।
@IANS
