ହାଇଦ୍ରାବାଦ: ଭାରତରେ ଶୁକ୍ରବାର ସନ୍ଧ୍ୟାରେ କିଛି ସମୟ ପାଇଁ ହଠାତ୍ ବନ୍ଦ ହୋଇଥିଲା ହ୍ବାଟ୍ସଆପ୍ ସର୍ଭିସ । ଏହାଦ୍ବାରା ଲକ୍ଷ ଲକ୍ଷ ୟୁଜର୍ସ ପ୍ରଭାବିତ ହୋଇଥିବା ଦେଖାଯାଇଥିଲା । ଏହି ସମୟ ମଧ୍ୟରେ ଅନେକ ଅନଲାଇନ ଷ୍ଟାଟସ ଓ ପ୍ରାଇଭେସି ସମସ୍ୟା ସୃଷ୍ଟି ହୋଇଥିବା ନେଇ ଅଭିଯୋଗ କରିଥିଲେ । ଏନେଇ ଆଉଟେଜ୍ ମନିଟର ପୋର୍ଟାଲ ଡାଉନ ଡିଟେକ୍ଟରର ସୂଚନା ମୁତାବକ କିଛି ସମୟ ପାଇଁ ଭାରତରେ ହ୍ବାଟ୍ସଆପ୍ ସର୍ଭିସ ଡାଉନ ହୋଇଥିଲା ।
ଏହି ସମୟ ମଧ୍ୟରେ 66 ପ୍ରତିଶତ ଡାଉନ ରିପୋର୍ଟରେ ଅନଲାଇନ ଷ୍ଟାଟସ ବା ଲାଷ୍ଟ ସିନ୍ ଷ୍ଟାଟସ ଦେଖାଯାଉନଥିବା ଅଭିଯୋଗ ହୋଇଥିବାବେଳେ 28 ପ୍ରତିଶତ କନେକ୍ସନରେ ସମସ୍ୟା ଦେଖାଦେଇଥିବା ଅଭିଯୋଗ କରିଥିଲେ । କେତେ ଆଣ୍ଡ୍ରଏଡ ଓ ଆଇଓଏସ ୟୁଜର୍ସ ଏହି ସମସ୍ୟାକୁ ଟ୍ବିଟର ପେଜରେ ପ୍ରକାଶ କରିଥିଲେ । ଏଥିରେ ୟୁଜର୍ସମାନେ ପ୍ରାଇଭେସି ସେଟିଂ ଅପଡେଟ କରିବା ସମୟରେ ହ୍ବାଟ୍ସଆପ୍ରେ ସମସ୍ୟା ଦେଖାଯାଉଥିବା ଅଭିଯୋଗ କରିଥିଲେ ।
