ନୂଆଦିଲ୍ଲୀ: ସୋସିଆଲ ମିଡିଆରେ ସମସ୍ୟା । ବିଶ୍ବର ଅଧିକାଂଶ ସ୍ଥାନରେ ହୋଇଛି ସୋସିଆଲ ମିଡିଆ ଆପ୍ ଡାଉନ୍ । ଲୋକପ୍ରିୟ ଫେସବୁକ୍, ହ୍ୱାଟସଆପ ଓ ଇନଷ୍ଟାଗ୍ରାମ ଭଳି ସୋସିଆଲ ମିଡିଆ ଆପ୍ ବିଶ୍ୱର ଅଧିକାଂଶ ସ୍ଥାନରେ ଡାଉନ ହୋଇଯାଇଛି । ଯେଉଁ କାରଣରୁ ଅନେକ ସମସ୍ୟାର ସମ୍ମୁଖିନ ହୋଇଛନ୍ତି ୟୁର୍ଜସ ।
ଏହି ସମସ୍ୟା ବୁଧବାର ସନ୍ଧ୍ୟାରେ ଭାରତ ବ୍ୟତିତ ଅନେକ ସ୍ଥାନରେ ଦେଖିବାକୁ ମିଳିଥିଲା । ଅନେକ ୟୁର୍ଜସ ହ୍ବାଚ୍ସଆପରେ ନିଜର ଫଟୋ ଏବଂ ଭିଡିଓ ସେୟାର କରିବାରେ ଅକ୍ଷମ ହୋଇଥିବାବେଳେ ଅନେକ ସୋସିଆଲ ମିଡିଆ ଆକାଉଣ୍ଟକୁ ଲଗଇନ କରିବାରେ ବିଫଳ ହୋଇଥିଲେ । ତେବେ ଅନେକ ୟୁର୍ଜସ ନିଜର ଏହି ସମସ୍ୟାକୁ ଟ୍ୱିଟରରେ ହ୍ୱାଟ୍ସଆପ-ଫେସବୁକ ଡାଉନ ହ୍ୟାସଟ୍ୟାଗ୍ ଦେଇ ସେୟାର କରିଥିଲେ ।
ତେବେ ଏଯାବତ୍ ଏହାକୁ ନେଇ କମ୍ପାନି ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ । ଏହା ପ୍ରଥମଥର ପାଇଁ ନୁହେଁ ଯେତେବେଳେ ଫେସବୁକ ଓ ହ୍ୱାଟସଆପ ଏପରି ଭାବେ ଡାଉନ ହୋଇଛି । ଏହାପୂର୍ବରୁ ମଧ୍ୟ ଅନେକଥର ଏପରି ସମସ୍ୟାର ସମ୍ମୁଖିନ ହୋଇଛନ୍ତି ୟୁର୍ଜସ ।
ଏଠାରେ ସୂଚନାଯୋଗ୍ୟ, ଏପର୍ଯ୍ୟନ୍ତ ମଧ୍ୟ ହ୍ବାଟ୍ସଆପରେ ଫୋଟ ଏବଂ ଭିଡିଓ ସେୟାର କରିବାରେ ୟୁର୍ଜସ ବିଫଳ ହେଉଛନ୍ତି ।
