କୋଲକାତା: ଧରାବତରଣ କରିଛନ୍ତି ଜଗତଜନନୀ ମା' ଦୁର୍ଗା । ପ୍ରତିବର୍ଷ ସାରା ଦେଶରେ ମାଆଙ୍କ ପୂଜା ବେଶ ଆଡମ୍ବରରେ ପାଳନ କରାଯାଏ । ହେଲେ କୋଲକାତର ପୂଜାର ରହିଛି ସ୍ବତନ୍ତ୍ରତା । ନଅ ଦିନ ଧରି ଖୁବ ଧୁମଧାମରେ ଲୋକେ ପାଳନ୍ତି ଶାରଦୀୟ ଦୁର୍ଗାପୂଜା ।
ଆଉ ଏଠାରେ ପ୍ରତିବର୍ଷ ବିଭିନ୍ନ ବିଷୟବସ୍ତୁ ନେଇ ତିଆରି ହୋଇଥାଏ ପୂଜା ପେଣ୍ଡାଲ । କେଉଁଠି ପୂରା ପ୍ଲାଷ୍ଟିକ ତ ଆଉ କେଉଁଠି ପୁରୁଣା ଜିନିଷକୁନେଇ ତିଆରି ହୋଇଛି ତୋରଣ ।
ଚଳିତ ବର୍ଷ କୋଲକାତାରେ ଏକ ପେଣ୍ଡାଲ ଇଣ୍ଡୋ-ବାଂଲାଦେଶ ସୀମାକୁ ନେଇ ତିଆରି ହୋଇଛି । ପେଣ୍ଡାଲର କାନ୍ଥରେ ଅଙ୍କା ହୋଇଛି ବନ୍ଧୁକ-ଗୁଳିର ଚିତ୍ର । ସୀମାରେ ଗୋଟିଏ ଛୋଟ ଗାଁ ଭଳି ଆପଣଙ୍କୁ ଲାଗିବ ଏହି ପେଣ୍ଡାଲ ।
