ଗାନ୍ଧୀନଗର: ଗୁଜୁରାଟର ପ୍ରସିଦ୍ଧ ପାରମ୍ପରିକ ନୃତ୍ୟ ଗରବା । ପ୍ରତିବର୍ଷ ନବରାତ୍ରୀରେ ଏହି ନୃତ୍ୟ କରିଥାନ୍ତି ଗରବା ଲଭର୍ସ। ଚଳିତ ବର୍ଷ 29 ତାରିଖରୁ ଆରମ୍ଭ ହେବ ନବରାତ୍ରୀ । ତେଣୁ ଏଥିନେଇ ଚାଲିଛି ପୂର୍ବ ପ୍ରସ୍ତୁତି।
ଏହି ଅବସରରେ ଗୁଜୁରାଟ ରାଜକୋଟ ଗୋଙ୍ଗଲ ଅଞ୍ଚଳରେ ଟ୍ରାଫିକ ସଚେତନତା ନେଇ ହେଲମେଟ ରାଲି କରାଯାଇଛି । ନବରାତ୍ରୀରେ ଲୋକଙ୍କୁ ସଚେତନ କରିବା ପାଇଁ ହେଲମେଟ ପିନ୍ଧି ଗରବା ନୃତ୍ୟ ପ୍ରଦର୍ଶନ କରିଛନ୍ତି ଉଭୟ ମହିଳା-ପୁରୁଷ ।
ଭିିଡିଓ ସୌଜନ୍ୟ: ଇଟିଭି ଭାରତ
ଅନ୍ୟପଟେ ଅହମ୍ମଦାବାଦରେ ଦେଖିବାକୁ ମିଳିଛି ଗରବା ନୃତ୍ୟର ଏକ ନୂଆ ଷ୍ଟାଇଲ । ଅହମ୍ମଦାବାଦର ଗରବା ଟ୍ରେନର ରେଖା ରଜନୀ କିଛି ଯୁବତୀଙ୍କୁ ନେଇ ଏହି ଗରବା କାର୍ଯ୍ୟକ୍ରମ ଆୟୋଜନ କରିଛନ୍ତି ।
ଯେଉଁଥିରେ ଯୁବତୀମାନେ ଆକ୍ବା ଗରବା( ପାଣି ଭିତରେ ଗରବା ନୃତ୍ୟ) ପ୍ରଦର୍ଶନ କରିଛନ୍ତି । ରଙ୍ଗୀନ ଗରବା ପୋଷାକରେ ଯୁବତୀମାନେ ନାଚୁଥିବା ଦେଖିବାକୁ ମିଳିଛି ।
