ନୂଆଦିଲ୍ଲୀ: ଦେଶରେ ପ୍ରତିଦିନ ଘଟୁଛି ସଡକ ଦୁର୍ଘଟଣା । ଏଥିରୁ ରକ୍ଷା ପାଇବା ପାଇଁ ବିଭିନ୍ନ ପ୍ରକାର ଯୋଜନା ଆପଣାଉଛନ୍ତି ଗାଡି ଚାଳକ । ତେବେ ରାତିରେ ସାଇକେଲ ଚଳାଉଥିବା ଲୋକଙ୍କର ବିଭିନ୍ନ ସମୟରେ ଦୁର୍ଘଟଣା ଘଟିଥାଏ । ଏଥିରୁ ବର୍ତ୍ତିବା ପାଇଁ ୱେଭି ନାମରେ ଏକ ଷ୍ଟାର୍ଟ ଅପ କମ୍ପାନୀ ନିର୍ମାଣ କରିଛନ୍ତି ହାରନେସ ଲାଇଟ । ଯାହା ସାଇକେଲ ଚଳାଇବା ବେଳେ ଚାଳକ ପିନ୍ଧି ପାରିବେ । ଅନ୍ଧାରରେ ଏହା ଚାଳକଙ୍କ ପାଇଁ ଲାଭଦାୟକ ହେବ । ଅନ୍ୟ ଗାଡି ଚାଳକ ଦୂରରୁ ଏହାକୁ ଦେଖି ସତର୍କତାର ସହ ଗାଡି ଚଳାଇବେ ।
ତେବେ ଆସନ୍ତୁ ଜାଣିବା ଏଥିରେ କଣ ରହିଛି ଖାସ
ୱେଭି ବଜାରକୁ ବିଭିନ୍ନ ପ୍ରକାର ପ୍ରଡକ୍ଟ ବନାଇଥାଏ । ହେଲେ ଏହି ହେଲମେଟ ଆଡପଟର ବା ହାରନେସ ଲାଇଟକୁ ଚାଳକ ପିନ୍ଧିବା ସହ ସାଙ୍ଗରେ ବ୍ୟାଗ ପ୍ୟାକ ବି ନେଇ ପାରିବେ । କମ୍ପାନୀ ଏଥିରେ ପାଖାପାଖି 200ରୁ ଅଧିକ ଏଲଇଡି ଲାଇଟ ବ୍ୟବହାର କରିଛି । ଯାହା ଚାଳକଙ୍କୁ କମ ଆଲୋକରେ ଦୃଶ୍ୟମାନ ବନେଇଥାଏ ।
ଏହି ଲାଇଟକୁ ଆପଣ ଅନ୍ୟ ହେଲମେଟର ଦୁଇ ପଟେ ଫିଟ କରିପାରିବେ । ଏହାଛଡା ଏକ ୱୟାରଲେସ ରିମୋଟ ମଧ୍ୟ ରହିଛି । ଏହି ରିମୋଟ ଦ୍ବାରା ହାରନେସ ଲାଇଟକୁ ସମ୍ପୂର୍ଣ୍ଣ ନିୟନ୍ତ୍ରଣ କରାଯାଇ ପାରିବ । କେବଳ ଏତିକି ନୁହେଁ କମ୍ପାନୀ ଏଥିପାଇଁ ଖାସ ଆପ୍ଲିକେସନ ମଧ୍ୟ ବନେଇଛନ୍ତି । ଯାହା ଦ୍ବାରା ଆପଣ ଏହାର ବ୍ୟାଟେରୀ ଲେବଲ ଏବଂ ଅନ୍ୟ ନୋଟିଫିକେସନ ଆପଣଙ୍କ ସ୍ମାର୍ଟ ଫୋନରେ ଦେଖିପାରିବେ ।
