ହାଇଦ୍ରାବାଦ: ତେଲେଙ୍ଗାନା ରାଜଧାନୀ ହାଇଦ୍ରାବାଦରେ ଏକ ଦୁଃଖଦ ଘଟଣା ଘଟିଛି। ଘରର କାନ୍ଥ ଭୁଷୁଡି ପଡିବାରୁ ଗୋଟିଏ ପରିବାରର 3 ଜଣ ଶିଶୁ ପ୍ରାଣ ହରାଇଛନ୍ତି । ଘଟଣାରେ ଅନ୍ୟ ଜଣେ ଝିଅ ଆହତ ହୋଇଛନ୍ତି। ହାଇଦ୍ରାବାଦର ହାବିବନଗରର ମଙ୍ଗାରି ବସ୍ତିରେ ଏଭଳି ଘଟଣା ଦେଖିବାକୁ ମିଳିଛି ।
ହାଇଦ୍ରାବାଦ
ବସ୍ତିର ରୋଶନୀ, ପାୱନୀ, ଗୀତା ଏବଂ 4 ମାସର ଶିଶୁ ସାରିକା ନିଜ ଘରେ ଶୋଇଥିବା ବେଳେ ଘରର କାନ୍ଥ ଭୁଷୁଡି ପଡି ସେମାନଙ୍କ ଉପରେ ପଡିଯାଇଥିଲା । ସାରିକାର ଘଟଣା ସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟମାନେ ଗୁରୁତର ଆହତ ହୋଇଥିଲେ । ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ରୋଶନୀ ଏବଂ ପାୱନୀଙ୍କର ମୃତ୍ୟୁ ଘଟିଥିଲା । ତେବେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
