ନୂଆଦିଲ୍ଲୀ: ସାରା ଦେଶରେ ବଢିଚାଲିଛି ମହାମାରୀ କୋରୋନା ସଂକ୍ରମଣ । ଅନେକ ରାଜ୍ୟର ହେଭିୱେଟ ନେତାମନ୍ତ୍ରୀ କୋରୋନାରେ ଆକ୍ରାନ୍ତ ହୋଇସାରିଲେଣି । ଏ ପରିସ୍ଥିତିରେ ଉତ୍ତରାଖଣ୍ଡ ବିଧାନସଭା ବାଚସ୍ପତି ପ୍ରେମଚାନ୍ଦ ଅଗ୍ରୱାଲ କୋରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି ।
ଅନ୍ୟପକ୍ଷେରେ ସେପ୍ଟେମ୍ବର 23ରୁ 25 ଯାଏଁ ଉତ୍ତରାଖଣ୍ଡ ବିଧାନସଭା ଅଧିବେଶନ ବସିବାକୁ ଯାଉଛି । ଏପରି ସ୍ଥିତିରେ ଖୋଦ ବାଚସ୍ପତି କୋରୋନା ପଜିଟିଭ ଚିହ୍ନ ହେବା ପରେ ଅଧିବେଶକୁ ନେଇ ଆଶାଆଶଙ୍କା ବଢିଛି ।
ଉତ୍ତରାଖଣ୍ଡରେ କ୍ରମାଗତ ଭାବରେ ଭାଙ୍ଗୁଛି କୋରୋନା ରେକର୍ଡ । ଶନିବାରଠାରୁ ନୂଆ ମାମଲା 2000 ପାର ହୋଇଛି । ଏହାକୁ ମିଶାଇ ରାଜ୍ୟରେ କୋରୋନା ପଜିଟିଭ ସଂଖ୍ୟା 12465ରେ ପହଞ୍ଚିଛି ।
