ଅହମ୍ମଦାବାଦ: ସାବରମତୀ ଆଶ୍ରମରୁ ପରିଦର୍ଶନ ସାରି ମୋଟେରା ଷ୍ଟାଡ଼ିୟମରେ ପହଁଚିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିଶ୍ବର ସବୁଠାରୁ ବୃହତ କ୍ରିକେଟ ଷ୍ଟାଡ଼ିୟମରେ ଲକ୍ଷାଧିକ ଦର୍ଶକ ଭରି ରହିଥିବାବେଳେ ପତ୍ନୀ ମେଲାନିଆଙ୍କ ସହ ପହଁଚିଛନ୍ତି ଡୋନାଲ୍ଡ । ମୋଟେରାରେ ପହଁଚିବା ପରେ ସେଠାରେ ମଧ୍ୟ ଟ୍ରମ୍ପ ଦମ୍ପତିଙ୍କୁ ଭବ୍ୟ ସ୍ବାଗତ କରାଯାଇଛି ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଗୁଜୁରାଟ ମୁଖ୍ୟମନ୍ତ୍ରୀ ବିଜୟ ରୂପାନୀ ଏବଂ ଭାରତ ସରକରାଙ୍କ ଅନେକ ବରିଷ୍ଠ ଅଧିକାରୀଗଣ ଉପସ୍ଥିତ ରହିଥିଲେ । ସେପଟେ ମଞ୍ଚ ସମ୍ପୂର୍ଣ୍ଣ ରୂପେ ପ୍ରସ୍ତୁତ ରହିଥିବାବେଳେ ଦର୍ଶକଙ୍କ ନାରାବାଜି ଏବଂ କରତାଳି ଉତ୍ସାହକୁ ଆହୁରି ବୃଦ୍ଧି କରିଛି ।
