ନୂଆଦିଲ୍ଲୀ: କଂଗ୍ରେସର ତୃଣମୂଳ ସ୍ତରରୁ ଆଜି ଅଭିନେତ୍ରୀରୁ ନେତ୍ରୀ ପାଲଟିଥିବା ଉର୍ମିଳା ମାତୋଣ୍ଡକର ବିଧିବଦ୍ଧ ଭାବେ ଇସ୍ତଫା ଦେଇଛନ୍ତି ।
ରାଜନୈତିକ ଓ ସାମାଜିକ ସ୍ତରରେ ମୋତେ କାମ କରିବାର ରହିଛି । ମାତ୍ର ଦଳରେ ଗୁରୁତର ଭାବେ ମତଭେଦ ରହିଛି । ଫଳରେ ଦଳୀୟ କନ୍ଦଳ ବଢୁଥିବାରୁ ମୁଁ ଇସ୍ତଫା ଦେଉଛି ବୋଲି ଉର୍ମିଳା କହିଛନ୍ତି । ଏହା ସହିତ ଦଳୀୟ କାର୍ଯ୍ୟରେ ତାଙ୍କର ସମ୍ମାନ ହାନି ମଧ୍ୟ ହୋଇଥିବା ନେଇ ସେ ଅଭିଯୋଗ ମଧ୍ୟ କରିଛନ୍ତି।
ସୂଚନା ଯୋଗ୍ୟ ଉର୍ମିଳା ଚଳିତ ବର୍ଷ ମାର୍ଚ୍ଚରେ କଂଗ୍ରେସରେ ଯୋଗ ଦେଇଥିଲେ । ଏହା ସହିତ ସେ ଉତ୍ତର ମୁମ୍ବାଇ ଲୋକସଭା ଆସନରୁ ନିର୍ବାଚନ ମଧ୍ୟ ଲଢିଥିଲେ । ଏହି ନିର୍ବାଚନରେ ସେ ବିଜେପି ନେତା ଗୋପାଳ ସେଟ୍ଟିଙ୍କ ଠାରୁ ପରାସ୍ତ ହୋଇଥିଲେ ।
