ଲକ୍ଷ୍ନୌ: ଉତ୍ତରପ୍ରଦେଶର ମେରଠରେ ଆଶ୍ଚର୍ଯ୍ୟଜନକ ଘଟଣା । ଜଣେ 37 ବୟସ୍କ ବ୍ୟକ୍ତି ନିଜ ସ୍ତ୍ରୀ ଓ ତିନି ପିଲାମାନଙ୍କ ଗଳାକାଟି ହତ୍ୟା କରିବା ପରେ ଆତ୍ମହତ୍ୟା କରିଥିବା ପୋଲିସ ପକ୍ଷରୁ ସୂଚନା ମିଳିଛି ।
ସୂଚନାଅନୁସାରେ, 37ବର୍ଷିୟ ରସିଦ ଅହମ୍ମଦ ରିହାନାଙ୍କୁ 2013ରେ ବିବାହ କରିଥିଲେ । ରସିଦଙ୍କର ଏହା ଦ୍ବିତୀୟ ବିବାହ ଓ ରିହାନାଙ୍କର ତୃତୀୟ ବିବାହ ହୋଇଥିବା ଜଣାପଡିଛି । ସେମାନଙ୍କର ଦୁଇପୁଅ ଆଫାନ ଓ ହାଇଦର ପ୍ରଥମ ସ୍ତ୍ରୀଙ୍କର ହୋଇଥିବା ବେଳେ ପୁଅ ଆୟତ ରିହାନାଙ୍କର ଥିଲା । କିଛି ଦିନ ହେବ ଦୁଇଜଣଙ୍କ ଭିତରେ ଝଗଡା ଲାଗି ରହିଥିଲା । ସେଥିପାଇଁ ନିଜ ତିନି ପିଲା ଓ ସ୍ତ୍ରୀର ଗଳା କାଟି ହତ୍ୟା କରିବା ପରେ ପଙ୍ଖାରେ ଝୁଲି ଆତ୍ମହତ୍ୟା କରିଥିବା ନେଇ ଏକ ସୁଇସାଇଡ ନୋଟରେ ଲେଖିଛନ୍ତି ରସିଦ ।
ତେବେ ବୈବାହିକ ଜୀବନରେ ଅଶାନ୍ତି କାରଣରୁ ଉକ୍ତ ବ୍ୟକ୍ତି ଜଣକ ଏପରି ଚରମ ନିଷ୍ପତ୍ତି ନେଇ ଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ସମସ୍ତ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଯିବା ସହିତ ଘଟଣାର ଆବଶ୍ୟକ ତଦନ୍ତ ଚାଲିଥିବା କହିଛନ୍ତି ବରିଷ୍ଠ ପୋଲିସ ଅଧୀକ୍ଷକ ଅଜୟ ସାହନି।
@IANS
