ନୂଆଦିଲ୍ଲୀ: ବଢିଲା ପିଏନବି ଘୋଟାଲାର ମହାନାୟକ ନୀରବ ମୋଦିର ସମସ୍ୟା । ଆହୁରି ଏକ ମାସ ପୋଲିସ ହେପାଜତରେ ରହିବ ନୀରବ। ଶୁକ୍ରବାର ଜାମିନ ଆବେଦନ ଶୁଣାଣିକୁ ମେ’ 24କୁ ଘୁଞ୍ଚାଇ ବ୍ରିଟେନ କୋର୍ଟ ନୀରବଙ୍କୁ ଦେଇଛନ୍ତି ଏଭଳି ଝଟକା ।
14 ହଜାର କୋଟି ଟଙ୍କା ଠକେଇ ମାମଲାରେ ବ୍ରିଟେନ ପୋଲିସ ଗତ ମାସରେ ନୀରବଙ୍କୁ ଗିରଫ କରିଥିଲା । ସେ ଦକ୍ଷିଣ-ପଶ୍ଚିମ ଲଣ୍ଡନର ୱେଡ୍ସବର୍ଥ ଜେଲରେ ସଜା କାଟୁଛି । ଜାମିନ ପାଇଁ ପୂର୍ବରୁ ସେ ଆବେଦନ କରିଥିଲେ ସୁଦ୍ଧା ଏହାକୁ ଖାରଜ କରି ଦିଆଯାଇଥିଲା । ମାମଲାର 28 ଦିନ ପରେ ଅର୍ଥାତ ଆଜି ବୋଷ୍ଟମିଷ୍ଟର ମାଜିଷ୍ଟ୍ରେଟ ଅଦାଲତରେ ଏହାର ଶୁଣାଣି ବେଳେ ଜେଲରୁ ଭିଡିଓ କଲିଂ ଜରିଆରେ ତାଙ୍କୁ ହାଜର କରାଯାଇଥିଲା ।
ବ୍ରିଟେନରେ ମୋଟ ଅଙ୍କର ନିବେଶ କରି ଗୋଲ୍ଡେନ ଭିସା ହାସଲ କରିଥିଲା ନୀରବ । ଏହାକୁ ବ୍ୟବହାର କରି ସେ ବ୍ରିଟେନରେ ମଧ୍ୟ ନିଜ ଆଡ୍ଡା ଜମାଇ ବ୍ୟବସାୟ ଆରମ୍ଭ କରିଦେଇଥିଲା । କିଛି ସୁରାଗ ମିଳିବା ପରେ ଭାରତ ସରକାରଙ୍କ ଅନୁରୋଧ କ୍ରମେ ମାର୍ଚ୍ଚ 19ରେ ତାଙ୍କୁ ବ୍ରିଟେନ ପୋଲିସ ଗିରଫ କରି ହେପାଜତରେ ରଖିଛି ।
