ଜମ୍ମୁ କାଶ୍ମୀର ସୋପୋରେ ଏନକାଉଣ୍ଟର, 2 ଆତଙ୍କୀ ସଫା

ଜମ୍ମୁ କଶ୍ମୀରର ସୋପୋରେ ଏନକାଉଣ୍ଟର । ଯବାନଙ୍କ ଗୁଳିରେ ନିହତ ହୋଇଛନ୍ତି 2 ଆତଙ୍କୀ । ସମ୍ପୃକ୍ତ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଜାରି ରଖିଛି ସେନା ।

ଶ୍ରୀନଗର: ପୁଣି ସେନାକୁ ସଫଳତା । ଯବାନଙ୍କ ଗୁଳିରେ ଟଳିଲେ 2 ଆତଙ୍କୀ । ବାରମୂଳା ସୋପୋରେ ଡେଞ୍ଜର ପୋରା ଇଲାକାରେ ଏହି ଏନକାଉଣ୍ଟର ହୋଇଛି ।

ବର୍ତ୍ତମାନ ମଧ୍ୟ ସେନା ଓ ଆତଙ୍କୀଙ୍କ ମଧ୍ୟରେ ଗୁଳି ବିମିମୟ ଜାରି ରହିଛି । ସମ୍ପୃକ୍ତ ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଜାରି କରିଛି ସେନା । ସୂଚନା ଅନୁଯାୟୀ, ସେନା ପକ୍ଷରୁ ଉକ୍ତ ଅଞ୍ଚଳରେ ସର୍ଚ୍ଚ ଅପରେସନ କରାଯାଉଥିବା ସମୟରେ ଯବାନଙ୍କ ଉପରକୁ ଗୁଳି ଚାଳନା କରିଥିଲେ ଲୁଚି ରହିଥିବା ଆତଙ୍କୀ । ପାଲଟା ଜବାବରେ ସେନା ପକ୍ଷରୁ ମଧ୍ୟ ଗୁଳି ଚାଳନା ହୋଇଥିଲା ।