ସୋପିଆନରେ ଏନକାଉଣ୍ଟର, ଦୁଇ ଆତଙ୍କବାଦୀ ନିପାତ

ଶୁକ୍ରବାର ସୋପିଆନରେ ସୁରକ୍ଷା ବହିନୀର ଏନକାଉଣ୍ଟରେ ଦୁଇ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ଜଣାପଡିଛି । ଅଧିକ ସୂଚନା ପାଇଁ ପଢନ୍ତୁ ...

ଶ୍ରୀନଗର: ସୋପିଆନର ଡାଏରୋ ଅଞ୍ଚଳରେ ଶୁକ୍ରବାର ସୁରକ୍ଷା ବାହିନୀର ଏନକାଉଣ୍ଟରରେ ଦୁଇ ଆତଙ୍କବାଦୀ ନିପାତ ହୋଇଛନ୍ତି । ସେଠାରେ ଆତଙ୍କୀ ଲୁଚିଥିବା ନେଇ ସୂଚନା ପାଇବା ପରେ ସେନା ଉକ୍ତ ଅଞ୍ଚଳକୁ ଘେରାଉ କରି ସର୍ଚ୍ଚ ଅପରେସନ ଆରମ୍ଭ କରିଥିଲା ।

ପ୍ରଥମେ ଆତଙ୍କବାଦୀମାନେ ଗୁଳିମାଡ କରିବା ପରେ ଜବାବ ଦେଇଥିଲେ ସୁରକ୍ଷାକର୍ମୀ । ଏହି ଗୁଳିବିନିମୟରେ ଦୁଇ ଜଣ ଆତଙ୍କବାଦୀ ନିହତ ହୋଇଥିଲେ । ମୃତ ଆତଙ୍କବାଦୀଙ୍କ ପରିଚୟ ଓ ସଙ୍ଗଠନର ଅନୁସନ୍ଧାନ କରାଯାଉଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ