ପୁଡୁଚେରୀ: ଆରିୟଙ୍କାପୁରମରେ ବାଣ ତିଆରି ସମୟରେ ଅଘଟଣ । ବିସ୍ଫୋରଣରେ ଦମ୍ପତି ମୃତ । ସୂଚନାନୁସାରେ, ଆରିୟଙ୍କାପାମରେ ନେପୋଲିୟନ ନାମକ ଜଣେ ବ୍ୟକ୍ତି ତାଙ୍କ ସ୍ତ୍ରୀ ସହ ମିଶି ଘରେ ବାଣ ପ୍ରସ୍ତୁତ କରୁଥିଲେ । ହଠାତ୍ ବିସ୍ପୋରଣ ଘଟି ଘରେ ନିଆଁ ଲାଗିଯାଇଥିଲା । ଫଳରେ ଉଭୟ ସ୍ବାମୀ ଓ ସ୍ତ୍ରୀ ନିଆଁରେ ଜଳି ଗୁରୁତର ହୋଇଥିଲେ ।
ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ପ୍ରାୟ ଏକ ଘଣ୍ଟା ପରେ ଦମ୍ପତିଙ୍କୁ ଉଦ୍ଧାର କରିଥିଲା । ତାଙ୍କୁ ଗୁରୁତର ଅବସ୍ଥାରେ ପୁଡୁଚେରି ସରକାରୀ ଡାକ୍ତରଖାନାକୁ ନିଆଯିବା ବାଟରେ ହିଁ ଦୁଇଜଣଙ୍କର ମୃତ୍ୟୁ ହୋଇଥିଲା । ତେବେ ଅଘଟଣ ସମୟରେ ଘରେ ଆଉ କେହି ନ ଥିଲେ ଓ ସରକାରଙ୍କ ବିନା ଅନୁମତିରେ ଘରେ ବାଣ ତିଆରି କରୁଥିବା ପ୍ରାଥମିକ ତଦନ୍ତରୁ ଜଣାପଡିଛି ।
@ANI
