ଶିମଲା: ଦେଶରେ କ୍ରମାଗତ କୋରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ତେବେ ହିମାଚଳପ୍ରଦେଶରେ କୋରୋନାର 2ଟି ପଜିଟିଭି ମାମଲା ସାମ୍ନାକୁ ଆସିଛି । ତେବେ ଏହି ପରିସ୍ଥିତିରେ ସୁରକ୍ଷାକୁ ଦୃଷ୍ଟିରେ ରଖି ଲୋକପ୍ରିୟ କାଲକା-ଶିମଲା ରୁଟ୍ରେ କୌଣସି ଟ୍ରେନ ଚଳାଚଳ କରିବ ନାହିଁ ବୋଲି ନିଷ୍ପତ୍ତି ନେଇଛନ୍ତି ପ୍ରଦେଶ ସରକାର ।
ଏହି ରୁଟ୍ରେ ଚାଲୁଥିବା 5ଟି ଟ୍ରେନକୁ ସ୍ଥଗିତ କରାଯାଇଛି । ସେଗୁଡିକ ହେଲା, କାଲକା-ଶିମଲା ପ୍ୟାସେଞ୍ଜର, ହିମ ଦର୍ଶନ ଟ୍ରେନ, ଶିବାଲିକ ଡିଲ୍କ୍ସ ଏକ୍ସପ୍ରେସ୍, ଶିମଲା ମେଲ, ହିମାଲୟନ କ୍ବିନ ।
ତେବେ ଆଗାମୀ ନିର୍ଦ୍ଦେଶ ଆସିବା ଯାଏଁ ସମସ୍ତ ଟ୍ରନ୍ ଚଳାଚଳ ବନ୍ଦ ରହିବ । ପ୍ରଦେଶ ସରକାର ପର୍ଯ୍ୟଟକଙ୍କ ଆଗମନ ରେଳସେବା ମାଧ୍ୟମରେ ନହେଉ । ଏହାକୁ ନଜରରେ ରଖି ଏହି ନିଷ୍ପତ୍ତି ନେଇଛନ୍ତି ।
ଏପଟେ ଶୁକ୍ରବାର ଦିନ କାଲକା-ଶିମଲା ରେଳମାର୍ଗରେ ଅନେକ ପର୍ଯ୍ୟଟକ ଶିମଲା ପହଞ୍ଚିଛନ୍ତି । ସୂଚନାନୁସାରେ, ମହାରାଷ୍ଟ୍ର ସମେତ ଅନେକ ସ୍ଥାନରୁ ରେଳମାର୍ଗ ଯୋଗେ ପର୍ଯ୍ୟଟକ ଶିମଲା ପହଞ୍ଚିଛନ୍ତି ।
