ନୂଆଦିଲ୍ଲୀ: ଦେଶରେ ଭୟଙ୍କର ବୃଦ୍ଧି ପାଉଛି କୋରୋନା ସଂକ୍ରମଣ। ଯାହା ଏବେ 71 ଲକ୍ଷ ପାର କରିଛି। ସେହିପରି ମୃତ୍ୟୁ ସଂଖ୍ୟା ମଧ୍ୟ ବଢିବାରେ ଲାଗିଛି। ଯାହାକୁ ନଜରରେ ରଖି ସ୍ବାସ୍ଥ୍ୟ ବିଭାଗ ପକ୍ଷରୁ ପ୍ରତିଦିନ ବହୁ ମାତ୍ରାରେ କୋରୋନା ସାମ୍ପଲ ଟେଷ୍ଟ କରାଯାଉଛି।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ(ଆଇସିଏମଆର) ମୁତାବକ, ସୋମବାର 10 ଲକ୍ଷ 73 ହଜାର 014ଟି କୋରୋନା ଟେଷ୍ଟ କରାଯାଇଛି । ଯାହାକୁ ମିଶାଇ ଅକ୍ଟୋବର 12 ସୁଦ୍ଧା ଦେଶରେ 8 କୋଟି 89 ଲକ୍ଷ 45 ହଜାର 107ଟି ଟେଷ୍ଟ କରାଯାଇଛି।
ତେବେ ବର୍ତ୍ତମାନ ସମୟରେ ଦେଶରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ 71 ଲକ୍ଷ 75 ହଜାର 881ରେ ପହଞ୍ଚିଛି। ଏଥିରେ ମୋଟ 1 ଲକ୍ଷ 09 ହଜାର 856 ଜଣଙ୍କ ମୃତ୍ୟୁ ହୋଇଛି।
