ନୂଆଦିଲ୍ଲୀ: ଦିନ ରାତି ଦେଶର ବିଭିନ୍ନ ପଞ୍ଜିକୃତ ଓ ଅଣ ପଞ୍ଜିକୃତ ଲ୍ୟାବରେ ଜାରି ରହିଥିବା କୋରୋନା ସାମ୍ପଲ ଟେଷ୍ଟ ଏବେ ସଫଳ ପ୍ରମାଣିତ ହୋଇଛି । କାରଣ ସଠିକ ସମୟରେ ସଂକ୍ରମିତଙ୍କୁ ଚିହ୍ନଟ କରାଯାଇ ଚିକିତ୍ସା କରାଯିବା ଫଳରେ ଏବେ ଦେଶରେ କମିବାରେ ଲାଗିଛି କୋରୋନା ସଂକ୍ରମିତଙ୍କ ସଂଖ୍ୟା ।
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ମୁତାବକ, ଗତ 24 ଘଣ୍ଟାରେ 10 ଲକ୍ଷ 32 ହଜାର 795 ଟି ସାମ୍ପଲ ଟେଷ୍ଟ କରାଯାଇଛି। ଯାହାକୁ ମିଶାଇ ବର୍ତ୍ତମାନ ସୁଦ୍ଧା ଦେଶରେ ସର୍ବମୋଟ 9 କୋଟି 61 ଲକ୍ଷ 16 ହଜାର 771ଟି କୋରୋନା ଟେଷ୍ଟ ସରିଛି।
ତେବେ ଦେଶରେ ବର୍ତ୍ତମାନ ସୁଦ୍ଧା 75 ଲକ୍ଷ 97 ହଜାର 064ରେ ପହଞ୍ଚିଛି ସଂକ୍ରମଣ ସଂଖ୍ୟା। ସେହିପରି ଏଥିରେ ମୋଟ 1 ଲକ୍ଷ 15 ହଜାର 197 ଜଣଙ୍କର ମୃତ୍ୟୁ ଘଟିଛି।
