ବାରଣାସୀ: ଶୁକ୍ରବାର ଦିନିକିଆ ବାରଣାସୀ ଗସ୍ତରେ ଯିବେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା । ଗସ୍ତ ସମୟରେ ସେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଏହି ଅବସରରେ ବାରଣାସୀ ହିନ୍ଦୁ ବିଶ୍ବବିଦ୍ୟାଳୟ (ବିଏଚ୍ୟୁ)ର ଛାତ୍ରଛାତ୍ରୀଙ୍କୁ ଭେଟିବେ। ଏହା ସହ ସିଭିଲ ସୋସାଇଟିର ସଦସ୍ୟଙ୍କୁ ସାକ୍ଷାତ କରିବାର କାର୍ଯ୍ୟକ୍ରମ ରହିଛି ।
ବାରଣାସୀରେ ସିଏଏ ଏବଂ ଏନଆରସି ବିରୋଧ ପ୍ରଦର୍ଶନ ସମୟରେ ଗିରଫ ହୋଇଥିବା ବିଏଚ୍ୟୁ ଛାତ୍ରଛାତ୍ରୀ ଓ ସିଭିଲ ସୋସାଇଟର ସଦସ୍ୟଙ୍କୁ ଭେଟିବେ । ଏଥିସହ ସେମାନଙ୍କ ସହ ସିଧାସଳଖ ଆଲୋଚନା କରିବେ ।
ସେହିପରି ଉତ୍ତର ପ୍ରଦେଶରେ ସିଏଏ ଓ ଏନଆରସିକୁ ବିରୋଧ ବେଳେ ଯେଉଁମାନେ ନିଜ ପ୍ରାଣ ହରାଇଥିଲେ ସେମାନଙ୍କୁ ପରିବାରକୁ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି । ସକାଳ 10ଟାରେ ପ୍ରିୟଙ୍କା ଗାନ୍ଧୀ ବାରଣାସୀ ବିମାନ ବନ୍ଦରରେ ପହଞ୍ଚିବେ । ଏହା ପରେ ନିଜ କାର୍ଯ୍ୟକ୍ରମ ଅନୁସାରେ 11ଟା ଗୁଲେରିଆ କୋଠି, ଗୁଲେରିଆ ଘାଟ ଏବଂ ରାମ ଘାଟ ଯିବେ । ଦିନ 11.30ରେ ବିଏଚୟୁର ଛାତ୍ର ଏବଂ ନାଗିରକ ସମାଜର ପ୍ରତିନିଧିଙ୍କୁ ଭେଟି ଦ୍ବିପ୍ରହର 2ଟାରେ ଜୟପୁର ଯିବେ ।
