ଭୋପାଳ: କୁହାଯାଏ, ଅସୁବିଧା ହେଲେ ଏହାର ସମାଧାନର ବାଟ ଆପେ ଆପେ ଦେଖାଯାଏ । ଏଥିପାଇଁ ଇଚ୍ଛା ଓ ଉଦ୍ୟମର ନିତ୍ୟାନ୍ତ ଆବଶ୍ୟକ ରହିଛି । ସେହିପରି ଏକ ବଡ ଉଦାହରଣ ଦେଖିବାକୁ ମିଳିଛି ମଧ୍ୟପ୍ରଦେଶ ଛତ୍ରପୁର ଅନ୍ତର୍ଗତ ଅଙ୍ଗ୍ରୋଥା ଗାଁରେ । ଏହି ଗାଁର ପ୍ରାୟ 250 ମହିଳା 18 ମାସ ମଧ୍ୟରେ ଏକ ପାହାଡ କାଟି ଉକ୍ତ ଗାଁର ଏକ ଶୁଖିଲା ପୋଖରୀରେ ପାଣି ପ୍ରବେଶ କରିବା ରାସ୍ତା ତିଆରି କରିଛନ୍ତି । ଏହି ଗାଁର ଲୋକେ ଦୀର୍ଘ ଦିନ ଧରି ଜଳ ପାଇଁ ସଙ୍ଘର୍ଷ କରିଆସୁଥିଲେ ।
ଜଣେ ସ୍ଥାନୀୟ ମହିଳା ବବିତା ରାଜପୁତ କହିଛନ୍ତି, ''ଆମେ 18 ମାସରୁ ଅଧିକ ସମୟ ଧରି ଗାଁ ପାଇଁ କାମ କରୁଛୁ, ଯେଉଁ ଜଳ ଜଙ୍ଗଲରେ ମୁକ୍ତ ଭାବରେ ପ୍ରବାହିତ ହେଉଥିଲା ଆଉ ତାର କୌଣସି ବ୍ୟବହାର ହେଉନଥିଲା । ତେଣୁ ଗାଁର ମହିଳାମାନେ ଏହା ବିଚାର କରି ଏକ ଗୋଷ୍ଠୀ ଗଠନ କରିଥିଲେ ଏବଂ ପାହାଡରୁ ପ୍ରାୟ 500 ମିଟର ପର୍ଯ୍ୟନ୍ତ ରାସ୍ତା କାଟି ଗାଁର ପୋଖରୀରେ ପାଣି ପଡିବା ପାଇଁ ନିଷ୍ପତ୍ତି ନିଆଯାଇଥିଲା "।
ଅଙ୍ଗ୍ରୋଥା ଗାଁର ବିବିତାବାଇ ଆଦିବାସୀ କହିଛନ୍ତି,"ଆମେ ନିଜେ ଏହା କରିଛୁ ଏଠାରେ ଜଳ ଅଭାବ ରହିଛି। ଆମେ ଚାଷ କରିବାକୁ ଅସମର୍ଥ ଏବଂ ଆମର ପଶୁମାନେ ମଧ୍ୟ ପାଣି ବିନା ଯନ୍ତ୍ରଣା ଭୋଗୁଥିଲେ। ପ୍ରାୟ 250 ମହିଳା ଆମ ଗାଁର ପୋଖରୀରେ ଜଳ ପ୍ରବାହିତ ହେବା ପାଇଁ ଏକ ରାସ୍ତା ଖୋଳିଛନ୍ତି। ଏହି କାର୍ଯ୍ୟ ସମାପ୍ତ କରିବାକୁ ଆମକୁ ପ୍ରାୟ 18 ମାସ ସମୟ ଲାଗିଲା"।
ବ୍ୟୁରୋ ରିପୋର୍ଟ, ଇଟିଭି ଭାରତ
