ମୁମ୍ବାଇ: ଦେଶରେ କାୟା ବିସ୍ତାର କରିଛି କୋରୋନା ମହାମାରୀ । ଆକ୍ରାନ୍ତଙ୍କ ସଂଖ୍ୟା କ୍ରମାଗତ ଭାବରେ ବୃଦ୍ଧି ପାଇବାର ଲାଗିଛି । ଏହି ମହାମାରୀ ପାଖାପାଖି 188ଟି ଦେଶକୁ ଗ୍ରାସ କରିଛି । ସଂକ୍ରମଣକୁ ରୋକିବାକୁ ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରୁଛନ୍ତି । ହେଲେ ତଥାପି ରୋକ ଲାଗିପାରୁନି ଏହି ମହାମାରୀ ଉପରେ ।
ଭାରତରେ ପଜେଟିଭଙ୍କ ସଂଖ୍ୟା 3,32,424 ରହିଥିବା ବେଳେ ମୃତକଙ୍କ ସଂଖ୍ୟା 9,520 ରହିଛି । ମହାରାଷ୍ଟ୍ରରେ କୋରୋନା ପଜେଟିଭଙ୍କ ସଂଖ୍ୟା 1,07,958 ରହିଥିବା ବେଳେ ମୃତକଙ୍କ ସଂଖ୍ୟା 3,950ରେ ପହଞ୍ଚିଛି । ତେବେ ଅନ୍ୟ ସମସ୍ତ ରାଜ୍ୟ ଅପେକ୍ଷା ମହାରାଷ୍ଟ୍ରରେ ପଜେଟିଭଙ୍କ ସଂଖ୍ୟା ଅଧିକ ରହିଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବେଶ ଅଧିକ ରହିଛି । ଏପରିକି ପ୍ରତ୍ୟେକ ଦିନ ନୂଆ ନୂଆ ପଜେଟିଭ ଅଧିକ ପରିମାଣରେ ଚିହ୍ନଟ ହେଉଥିବାରୁ କଣ୍ଟେନମେଣ୍ଟ ଜୋନ ସଂଖ୍ୟା ମଧ୍ୟ ବୃଦ୍ଧି କରାଯାଉଛି । ଫଳରେ ମୁମ୍ବାଇରେ 828ଟି କଣ୍ଟେନମେଣ୍ଟ ଜୋନ ଚିହ୍ନଟ କରାଯାଇଛି । ଏନେଇ ବ୍ରିହାନମ୍ବାଇ ମ୍ୟୁନିସିପାଲିଟି କର୍ପୋରେସନ୍ ପକ୍ଷରୁ ସୂଚନା ମିଳିଛି ।
ସୌଜନ୍ୟ @ ANI
