ନୂଆଦିଲ୍ଲୀ: ବଡ଼ ଚାକିରି, ମୋଟା ରକମର ଦରମା । ଘରୋଇ ଚାକିରି କଥା ଛାଡି ଦିଅନ୍ତୁ, ସରକାରୀ ଚାକିରିରେ କେଉଁ ପୋଷ୍ଟ ସବୁଠୁ ବଡ଼ ଆଉ କିଏ ଅଧିକ ଦରମା ପାଆନ୍ତି ଆପଣ ନିଶ୍ଚୟ ଭାବୁଥିବେ । ଦେଶରେ ସରପଞ୍ଚ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ଏପିରିକି ରାଷ୍ଟ୍ରପତିଙ୍କୁ ମଧ୍ୟ ମିଳିଥାଏ ଦରମା। ହେଲେ କାହାକୁ କେତେ ଦରମା ମିଳେ ତାହା ଜାଣିବା ପାଇଁ ସମସ୍ତଙ୍କ ଅଗ୍ରହ ଥାଏ । ଏହି କ୍ରମରେ କେଉଁ ରାଜ୍ୟର ମୁଖ୍ୟମନ୍ତ୍ରୀଙ୍କୁ କେତେ ଦରମା ମିଳିଥାଏ, କାହାକୁ ଅଧିକ ଆଉ କାହାକୁ କମ ମିଳେ ତାହା ଜାଣନ୍ତୁ।
ଭିନ୍ନ ଭିନ୍ନ ରାଜ୍ୟରେ ମୁଖ୍ୟମନ୍ତ୍ରୀଙ୍କ ଭିନ୍ନ ଭିନ୍ନ ଦରମା ରହିଛି । ଓଡିଶା ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ରାଜ୍ୟର ମୁଖ୍ୟମନ୍ତ୍ରୀଙ୍କ ଦରମା କଥା ଆପଣ ନିଶ୍ଚିୟ ଭାବୁଥିବେ । ତେବେ ସବୁଠୁ ଅଧିକ ଦରମା ତେଲେଙ୍ଗାନା ମୁଖ୍ୟମନ୍ତ୍ରୀଙ୍କର ରହିଛି।
ତେଲେଙ୍ଗାନା ମୁଖ୍ୟମନ୍ତ୍ରୀଙ୍କ ଦରମା 4 ଲକ୍ଷ 10 ହଜାର ଟଙ୍କା ରହିଛି। ସେହିପରି ଓଡିଶା ମୁଖ୍ୟମନ୍ତ୍ରୀଙ୍କ ଦରମା ରହିଛି 1 ଲକ୍ଷ 60 ହଜାର । ସେହିପରି ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବେତନ ହେଉଛି 3 ଲକ୍ଷ 90 ହଜାର।
