ହାଇଦ୍ରାବାଦ: ପ୍ରତିବର୍ଷ ଡିସେମ୍ବର ମାସ ୨୫ ତାରିଖକୁ 'ଖ୍ରୀଷ୍ଟମାସ ଡେ' ବା ବଡଦିନ ଭାବେ ପାଳନ କରାଯାଏ । ଏହି ଦିନ ଭଗବାନ ଯୀଶୁ ମନୁଷ୍ୟ ଦେହ ଧାରଣ କରି ମଦର ମେରିଙ୍କ ଗର୍ଭରୁ ଜନ୍ମ ଜନ୍ମଗ୍ରହଣ କରିଥିଲେ । ଖ୍ରୀଷ୍ଟ ଧର୍ମର ଏହା ସବୁଠାରୁ ବଡ ପର୍ବ । ଏହି ଦିବସକୁ ସାରା ବିଶ୍ବର ଲୋକେ ମିଳିମିଶି ଅତି ଧୁମଧାମର ସହ ପାଳନ କରିଥାନ୍ତି।
ଏହି ଉତ୍ସବରେ ଖ୍ରୀଷ୍ଟ ଧର୍ମର ଲୋକମାନେ ନିଜ ଘରକୁ ଆଲୋକମାଳା ଓ ଫୁଲରେ ସଜାଇବା ସହ ନୂତନ ପୋଷାକ କିଣି ବଭିନ୍ନ ପ୍ରକାରର ସୁସ୍ବାଦୁ ଖାଦ୍ୟ ଓ କେକ ତିଆରି କରିଥାନ୍ତି । ବଡଦିନରେ କେକର ଗୁରୁତ୍ବପୂର୍ଣ୍ଣ ଭୂମିକା ରହିଛି। ଏହି ଦିନ ସମସ୍ତ ଚର୍ଚ୍ଚ ଗୁଡିକୁ ସୁନ୍ଦର ଭାବରେ ସଜାଇବା ସହିତ ସ୍ବତନ୍ତ୍ର ପ୍ରାର୍ଥନା କରାଯାଇଥାଏ । ସମସ୍ତ ଚର୍ଚ୍ଚରେ ଏନ୍ତୁଡିଶାଳ ନିର୍ମାଣ କରାଯାଇ ଯୀଶୁଙ୍କ ଜନ୍ମ ବୃତ୍ତାନ୍ତକୁ ବ୍ୟାଖ୍ୟା କରାଯାଇଥାଏ ।
ବଡଦିନରେ ଖ୍ରୀଷ୍ଟମାସ ଟ୍ରୀ ମଧ୍ୟ ଏକ ଅଲଗା ପ୍ରସ୍ତୁତ କରାଯାଇଥାଏ। ଏହି ଟ୍ରୀକୁ ବିଭିନ୍ନ ପ୍ରକାରର ସାମଗ୍ରୀ ଓ ଆଲୋକରେ ସଜାଯାଇଥାଏ । ସମସ୍ତେ ମିଳିତ ହୋଇ କେକ କାଟିବା ସହ ପରସ୍ପରକୁ କେକ ଖୁଆଇ ଏହି ଦିନର ଶୁଭେଚ୍ଛା ଜଣାଇଥାନ୍ତି ।
ସେହିପରି ବଡଦିନରେ 'ସାଣ୍ଟା କ୍ଲସ'ର ମଧ୍ୟ ଅନେକ ମହତ୍ତ୍ବ ରହିଛି । ସାଣ୍ଟା କ୍ଲସ ବିନା ବଡଦିନ ଅଧୁରା ଲାଗେ । ଏହି ଦିନ ସାଣ୍ଟା ତାର ଝୋଲିରେ ଗିଫ୍ଟ ମାନ ରଖି କୁନି କୁନି ଛୁଆଙ୍କୁ ବାଣ୍ଟିଥାନ୍ତି । ଆଉ କିଛି ବ୍ୟକ୍ତି ସାଣ୍ଟା କ୍ଲସର ରୂପ ଧାରଣ କରି ଗରିବଙ୍କୁ ବିଭିନ୍ନ ପ୍ରକାରର ଉପହାର ଦେଇ ସେମାନଙ୍କ ସହ ଖୁସି ବାଣ୍ଟିଥାନ୍ତି ।
