ଇମ୍ଫାଲ: କୋରୋନା ମହାମାରୀ ଯୋଗୁଁ ବିଭିନ୍ନ ରାଜ୍ୟର ବିଧାନସଭା ଅଧିବେଶନକୁ ନେଇ ଅନିଶ୍ଚତତା ଲାଗିରହିଛି । ଇତି ମଧ୍ୟରେ ମଣିପୁର ବିଧାନସଭାର ମୌସୁମୀ ଅଧିବେଶନ ଅଗଷ୍ଟ 10ରୁ ଆରମ୍ଭ ହେବ ବୋଲି ଜଣାପଡିଛି । ମଣିପୁର ରାଜ୍ୟପାଳ ନଜମା ହେପତୁଲ୍ଲା କ୍ୟାବିନେଟର ସୁପାରିଶ କ୍ରମେ ବିଧାନସଭା ଅଧିବେଶନ ଡାକିଛନ୍ତି । ଏହି ଅଧିବେଶନ ଇମ୍ଫାଲ ସ୍ଥିତ ବିଧାନସଭା ଗୃହରେ ଅନୁଷ୍ଠିତ ହେବ ।
ତେବେ ବିଧାନସଭାର 11ତମ ଅଧିବେଶନ ମହାମାରୀ କୋରୋନା ଯୋଗୁଁ ସଂକ୍ଷିପ୍ତ ହୋଇପାରେ । ଅଧିବେଶନ ପୂର୍ବରୁ ହେବାକୁ ଥିବା ସର୍ବଦଳୀୟ ବୈଠକରେ ଏନେଇ ନିଷ୍ପତ୍ତି ନିଆଯିବ ବୋଲି ଜଣାପଡିଛି । ତେବେ ସାମାଜିକ ଦୂରତାକୁ ସଠିକ୍ ଭାବରେ ପାଳନ କରାଯାଇ ଅଧିବେଶନ ଅନୁଷ୍ଠିତ ହେବ ।
