ଶ୍ରୀନଗର: ଗୁରୁବାର ଜମ୍ମୁ କଶ୍ମୀରର ପୁଞ୍ଚ ଜିଲ୍ଲାରେ ଏକ ଆତଙ୍କବାଦୀଙ୍କ ଶିବିରକୁ ଧ୍ବଂସ କରିଛି ଭାରତୀୟ ସେନା । ସେଠାରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ସହ ଅଫୁଟା ଗୁଳି, ବୋମା, ବାରୁଦ ଆଦି ଜବତ କରାଯାଇଛି ।
ଜମ୍ମୁ କଶ୍ମୀର ପ୍ରଶାସନ ଅନୁସାରେ, ପୋଲିସ 39 ରୋମିଓ ଫୋର୍ସଙ୍କ ସହ ପୁଞ୍ଚର କୁନାଇ ଅଞ୍ଚଳରେ ଥିବା ଏକ ଶିବିରକୁ ଘେରିବା ସହ ଖାନତଲାସି କରିଥିଲେ । ଏହି ସମୟରେ ପୋଲିସକୁ ଆତଙ୍କବାଦୀ ବ୍ୟବହାର କରୁଥିବା ଏକେ-47 ରାଇଫଲ, କିଛି ମାଗାଜିନ, ଚାଇନିଜ ପିସ୍ତଲ ଆଦି ମିଳିଥିଲା । ଏନେଇ ପୁଞ୍ଚ ଥାନାରେ ମାମଲାରେ ରୁଜୁ କରାଯାଇଛି ।