ଜୟପୁର: ମହାରାଷ୍ଟ୍ରର ପାଲଘର ମାମଲା ମନରୁ ଲିଭିନଥିବା ବେଳେ ରାଜସ୍ଥାନର କୌରଲୀରେ ଜଣ ପୂଜାରୀଙ୍କୁ ଜୀଅନ୍ତା ଜଳାଯାଇଥିବା ଖବର ସାମ୍ନାକୁ ଆସିଛି । ଏହାପରେ ପୂଜାରୀ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ହେଲେ ସେ ଠାରେ ତାଙ୍କର ମୃତ୍ୟୁ ହୋଇଛି ।
ଘଟଣାରେ ମୁଖ୍ୟ ଅଭିଯୁକ୍ତକୁ ଗିରଫ କରିଛି ପୋଲିସ । ଘଟଣା ସାମ୍ନାକୁ ଆସିବା ପରେ ଲୋକଙ୍କ ମନରେ ଆକ୍ରୋଶର ମାହୋଲ ରହିଛି । ଲୋକଙ୍କ କହିବା ଅନୁଯାୟୀ ରାଜସ୍ଥାନର ଆଇନ ଶୃଙ୍ଖଳା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡିଛି । ସେପଟେ ଦୁଇ ପକ୍ଷଙ୍କ ମଧ୍ୟରେ ଜମି ବିବାଦକୁ ନେଇ ଏହି ହତ୍ୟାକାଣ୍ଡ ହୋଇଥିବା ଜଣାପଡିଛି ।
ଏହି ସମ୍ପୂର୍ଣ୍ଣ ଘଟଣା କରୌଲୀର ସପୋଟରା ଥାନାଞ୍ଚଳର ବୋଲି ଜଣାପଡିଛି । ଏଠାରେ ଥିବା ମନ୍ଦରରେ 50 ବର୍ଷିୟ ବାବୁଲାଲ ବୈଷ୍ଣବ ପୂଜା କରୁଥିଲେ । ତେବେ ଏହି ଜମି ଉପରେ ତାଙ୍କର ହିଁ ଅଧିକାର ରହିଥିଲା । ହେଲେ କିଛି ପ୍ରଭାବଶାଳୀ ବ୍ୟକ୍ତି ଏହି ଜମି ହଡପ କରିବା ଉଦ୍ଦେଶ୍ୟରେ ପୂଜାରୀ ଉପରେ ପେଟ୍ରୋଲ ଢାଳି ଜିଅନ୍ତା ଜାଳି ଦେଇଥିବା କୁହାଯାଉଛି ।
ଘଟଣାକୁ କଡା ନିନ୍ଦା କରିଛନ୍ତି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ । ତେବେ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶୃତି ଦେଇଛନ୍ତି ମୁଖ୍ୟମନ୍ତ୍ରୀ ।
