ତେଲେଙ୍ଗାନା: ହଷ୍ଟେଲ କ୍ୟାମ୍ପସରେ ଆଇଆଇଟି ଛାତ୍ରଙ୍କ ଆତ୍ମହତ୍ୟା । ଏଭଳି ଘଟଣା ତେଲେଙ୍ଗାନାର ସାଙ୍ଗାରେଡ୍ଡି କଲେଜ କ୍ୟାମ୍ପସ ପରିସରରେ ମଙ୍ଗଳବାର ଦେଖିବାକୁ ମିଳିଛି ।
ଖବର ଅନୁଯାୟୀ, ମୃତ ଛାତ୍ରଟିର ନାମ ଅନ୍ଦ୍ରୱେସ ଚାରଲେସ । ବୟସ 24 ବର୍ଷ ହେବ । ଛାତ୍ର ଜଣକ ମାଷ୍ଟର ଡିଜାଇନିଂ କୋର୍ସ କିଛିଦିନ ହେବ ଆଇଆଇଟିରୁ ଶେଷ କରିଥିଲା । ବର୍ତ୍ତମାନ ଶେଷ ପର୍ଯ୍ୟାୟ ପ୍ରେଜେଣ୍ଟେସନ ପାଇଁ ପ୍ରସ୍ତୁତ ହେଉଥିଲା । ହେଲେ ଏହା ପୂର୍ବରୁ ହଷ୍ଟେଲ ରୁମ ଭିତରୁ ତାଙ୍କ ଝୁଲନ୍ତା ମୃତଦେହକୁ ଉଦ୍ଧାର କରାଯାଇଛି ।
ତେବେ ଛାତ୍ର ଜଣକ ମୃତଦେହ ପାଖରୁ ଏକ ସୁଇସାଇଡ ନୋଟ ଜବତ କରାଯାଇଛି । ଯେଉଁଥିରେ ଛାତ୍ର ଜଣକ ପିତାମାତା ଓ ସାଙ୍ଗସାଥୀଙ୍କୁ ଆତ୍ମହତ୍ୟା ପାଇଁ ନେଇଥିବା ଚରମ ନିଷ୍ପତ୍ତି ବିଷୟରେ ଲେଖିଛନ୍ତି ।
ବର୍ତ୍ତମାନ ଶବ ବ୍ୟବଚ୍ଛେଦ ପାଇଁ ମୃତଦେହକୁ ସରକାରୀ ମେଡିକାଲକୁ ସ୍ଥାନାନ୍ତର କରାଯାଇଥିବା ପୋଲିସ ସୂଚନା ଦେଇଛି । ଘଟଣା ପରେ ଭାରତୀୟ ପିଙ୍ଗଳ କୋର୍ଟ (ଆଇପିସି) ଧାରା 174 ଅନୁସାରେ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି ।
