ହାଇଦ୍ରାବାଦ: ତେଲେଙ୍ଗାନା ଶାସକ ଦଳର 3 ବିଧାୟକ କୋରୋନା ପଜିଟିଭ । ତେଲେଙ୍ଗାନା ରାଷ୍ଟ୍ରୀୟ ସମିତି(ଟିଆରଏସ)ର ତିନି ଜଣ ବିଧାୟକ କୋଭିଡ ସଂକ୍ରମିତ ଥିବା ନେଇ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।
ନିଜାମବାଦ ନିର୍ବାଚନୀ ମଣ୍ଡଳର ବିଧାୟକ ବିଗାଲା ଗଣେଶ ଗୁପ୍ତାଙ୍କ କୋରୋନା ରିପୋର୍ଟ ରହିଛି । 3 ଦିନ ପୂର୍ବରୁ ଜନଗାଓଁ ଏମଏଲଏ ମୁଥିରେଡ୍ଡୀ ଯାଦଗରୀ ରେଡ୍ଡୀ କୋରୋନା ସଂକ୍ରମିତ ହେବା ନେଇ ଜଣାପଡିଥିଲା । ତାଙ୍କୁ ତୁରନ୍ତ ହାଇଦ୍ରାବାଦରେ ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ । ଏବେ ସେ ହୋମ କ୍ବାରାଣ୍ଟାଇନରେ ରହିଛନ୍ତି ।
ରବିବାର ନିଜାମବାଦ ଗ୍ରାମାଞ୍ଚଳ ନିର୍ବାଚନମଣ୍ଡଳୀର ବଜି ରେଡ୍ଡୀ ଗୋବର୍ଦ୍ଧନ କୋରୋନା ଆକ୍ରାନ୍ତ ହୋଇଛନ୍ତି । ସମସ୍ତଙ୍କ କଣ୍ଟାକ୍ଟ ଟ୍ରେସିଂ କରାଯାଇଛି । ଟେଷ୍ଟିଂ ପ୍ରକ୍ରିୟା ଆରମ୍ଭ ହୋଇଯାଇଛି ।
ଦେଶରେ ଦିନକୁ ଦିନକୁ କୋରୋନା ସଂକ୍ରମିତ ମାମଲା ସାଢେ 3 ଲକ୍ଷ ଆଡକୁ ଅଗ୍ରଗତି କରୁଛନ୍ତି । ଗତକାଲି ଦିନରେ 325 ଜଣଙ୍କ ମୃତ୍ୟୁ ପରେ ମୃତ୍ୟୁ ସଂଖ୍ୟା 9520କୁ ବୃଦ୍ଧି ହୋଇଛି। ମୋଟ 3,32,424 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ତେଲେଙ୍ଗାନାରେ ମୋଟ କୋରୋନା ସଂକ୍ରମିତ ମାମଲା 4ହଜାର 974 ରହିଛି । ବର୍ତ୍ତମାନ ସୁଦ୍ଧା 2377 ଜଣ ସୁସ୍ଥ ହୋଇଛନ୍ତି । ମୃତ୍ୟୁ ସଂଖ୍ୟା 185ରେ ପହଞ୍ଚିଛି ।
@ANI
