ପାଟନା: ବିହାର ଗସ୍ତ ପୂର୍ବରୁ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତେଜସ୍ବୀ ଯାଦବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ 11ଟି ପ୍ରଶ୍ନ କରିଛନ୍ତି। ଯାଦବ କହିଛନ୍ତି , ‘ମୁଁ ମାନ୍ୟବର ପ୍ରଧାନମନ୍ତ୍ରୀଙ୍କୁ ବିହାରର ଉନ୍ନତି ତଥା ବିକାଶ ସହ ଜଡିତ ନିମ୍ନଲିଖିତ ପ୍ରଶ୍ନ ପଚାରିବାକୁ ଚାହୁଁଛି କାରଣ ନୀତି ଆୟୋଗ ରିପୋର୍ଟ ଅନୁଯାୟୀ ଶିକ୍ଷା ଏବଂ ସ୍ବାସ୍ଥ୍ୟର ସମସ୍ତ ମାନ୍ୟତା ମଧ୍ୟରେ ବିହାର ସବୁଠାରୁ ଖରାପ ରାଜ୍ୟ ଅଟେ ’।
ପ୍ରଶ୍ନଗୁଡିକ ହେଲା, ‘ବିହାରର ଡବଲ୍ ଇଞ୍ଜିନ୍ ସରକାର ଜଳ ଯୋଗାଣ ଏବଂ ପରିମଳ ପାଇଁ ସମୁଦାୟ ବଜେଟର ମାତ୍ର 4 ପ୍ରତିଶତ କାହିଁକି ଖର୍ଚ୍ଚ କରୁଛନ୍ତି ? ଏବଂ କାହିଁକି ସେହି 4 ପ୍ରତିଶତ ମଧ୍ୟରୁ 70 ପ୍ରତିଶତ ଦୁର୍ନୀତିଗ୍ରସ୍ତ ହୁଏ ? ଦେଶର ସବୁଠାରୁ ଗରିବ ରାଜ୍ୟ ବିହାରରେ ପୁଷ୍ଟିହୀନତା ଏବଂ ଅନାହାର ପାଇଁ ମୋଟ ବଜେଟର 2 ପ୍ରତିଶତରୁ କମ୍ କାହିଁକି ଖର୍ଚ୍ଚ ହେଉଛି ? 15 ବର୍ଷ ଧରି ଏନଡିଏ ସରକାରଙ୍କ ଶାସନ ପରେ ବିହାରରେ ପୁଷ୍ଟିହୀନତା ଏବଂ ଅନାହାର କାହିଁକି ହୋଇଛି ?’
ସେ ଆହୁରୀ ପଚାରିଛନ୍ତି, ‘ବିହାରର ଯୁବକ ପିଏଚଡି ଇଞ୍ଜିନିୟରିଂ, ଏମବିଏ, ଏମସିଏ କରିବା ପରେ ମଧ୍ୟ ପିଅନ ଏବଂ ବଗିଚା ହେବା ପାଇଁ ଫର୍ମ ପୂରଣ କରିବାକୁ ପଡିବ କାହିଁକି ? ବିହାର କାହିଁକି ବେକାରୀର କେନ୍ଦ୍ର ଏବଂ ବିହାରର ଡବଲ୍ ଇଞ୍ଜିନ୍ ସରକାରରେ ରେକର୍ଡ ଭାଙ୍ଗୁଥିବା ବେକାରୀ ହାର କାହିଁକି 46.6 ପ୍ରତିଶତ ?’
ଆରଜେଡି ନେତା ପ୍ରଧାନମନ୍ତ୍ରୀଙ୍କୁ ଆହୁରି ପଚାରିଥିଲେ ଯେ, ବିହାରକୁ ଫେରିଥିବା ଶ୍ରମିକମାନେ ଜୁନ୍ ମାସରେ ଘୋଷଣା କରିଥିବା ‘ଗରିବ କଲ୍ୟାଣ ରୋଜଗର ଅଭିଯାନ’ର ଲାଭ କାହିଁକି ପାଇଲେ ନାହିଁ ? ବିହାରର ଶ୍ରମିକମାନେ କାହିଁକି ଅନ୍ୟ ରାଜ୍ୟକୁ ପଳାଇବାକୁ ବାଧ୍ୟ ହେଲେ ? ଗତ ଚାରିମାସ ଧରି MNREGA ଯୋଜନା ଅଧୀନରେ କରାଯାଇଥିବା କାର୍ଯ୍ୟ ପାଇଁ ଶ୍ରମିକମାନଙ୍କୁ କାହିଁକି ଦରମା ଦିଆଯାଇ ନାହିଁ ? କାହାକୁ ଦାୟୀ କରାଯିବ- କେନ୍ଦ୍ର କିମ୍ବା ରାଜ୍ୟ ?
ଏପ୍ରିଲରୁ ଅଗଷ୍ଟ ମଧ୍ୟରେ ସମୁଦାୟ 11 ଲକ୍ଷ ପରିବାରକୁ ଦିଆଯାଇଥିବା ଚାକିରି କାର୍ଡ ପ୍ରଦାନ ସତ୍ତ୍ବେ ବିହାରରେ କେବଳ 2,132 ପରିବାର 100 କାର୍ଯ୍ୟ ଦିବସ ପୂରଣ କରିବାକୁ ସକ୍ଷମ ହୋଇଥିଲେ କାହିଁକି? ଏନଡିଏର ନୀତିଶ ସରକାର ଏହାର ମୋଟ ବଜେଟର ମାତ୍ର 2 ପ୍ରତିଶତ କାହିଁକି ଖର୍ଚ୍ଚ କରନ୍ତି ? ବୋଲି ତେଜସ୍ବୀ ପ୍ରଶ୍ନ କରିଛନ୍ତି ।
ଆରଜେଡି ନେତା ଆହୁରି ମଧ୍ୟ ପଚାରିଥିଲେ, 2015ରେ ଘୋଷିତ 1 ଲକ୍ଷ 65 ହଜାର କୋଟିର ସ୍ବତନ୍ତ୍ର ପ୍ୟାକେଜରୁ ବିହାର ଦ୍ବାରା କେତେ ଟଙ୍କା ଗ୍ରହଣ କରାଯାଇଥିଲା ଏବଂ ଏହାର କେତେ ପ୍ରତିଶତ ବିକାଶ କାର୍ଯ୍ୟରେ ଖର୍ଚ୍ଚ ହୋଇଛି ? ଯଦି ପୂର୍ଣ୍ଣ ରାଶି ପ୍ରକାଶ ପାଇବ ନାହିଁ, ତେବେ ଏଥିପାଇଁ କିଏ ଦାୟୀ ?
ବ୍ୟୁରୋ ରିପୋର୍ଟ,ଇଟିଭି ଭାରତ
