ପାଟନା: ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ଯେ, ସମୟ ଥିଲା ଯେଉଁମାନଙ୍କୁ ମୁଦ୍ରାସ୍ଫୀତି ଡାହାଣୀ ଲାଗୁଥିଲା ବର୍ତ୍ତମାନ ସେମାନଙ୍କୁ ଏହା ପତ୍ନୀ ଭଳି ଲାଗୁଛି । ଗତ ନିର୍ବାଚନରେ ନୀତିଶ କୁମାରଙ୍କ ଡିଏନଏରେ ତ୍ରୁଟି ଥିବା କହୁଥିବା ବର୍ତ୍ତମାନ ତାଙ୍କୁ ପ୍ରଣାମ କରିଛନ୍ତି।
ତେଜସ୍ବୀ ରାଷ୍ଟ୍ରିୟ ଜନତା ଦଳ (ଆରଜେଡି) ର ପ୍ରତିଷ୍ଠା ଦିବସରେ ନିଜ କର୍ମୀଙ୍କୁ ସମ୍ବୋଧିତ କରି ଏହା କହିଛନ୍ତି । ସେ ଏହା ମଧ୍ୟ କହିଛନ୍ତି ଯେ ଯଦି ଆମ ଦଳର ଲୋକେ ଏକଜୁଟ ହୋଇ ନିର୍ବାଚନ ଲଢନ୍ତି ତେବେ କୌଣସି ମା କା ଲାଲ୍ ଆମକୁ ପରାସ୍ତ କରିପାରିବେ ନାହିଁ।
ତେଜସ୍ବୀ ରାଷ୍ଟ୍ରୀୟ ଜନତା ଦଳର ଅଧ୍ୟକ୍ଷଙ୍କ ସଫଳତାକୁ ବର୍ଣ୍ଣନା କରିଥିଲେ । ସେ କହିଛନ୍ତି ଯେ, ଲାଲୁ ଯାଦବ କେବଳ 90 ଦଶକରେ ପଛୁଆ ଲୋକଙ୍କ ସ୍ବର ହୋଇନଥିଲେ ବରଂ ସାମାଜିକ ବିପ୍ଳବର ଅଗ୍ରଣୀ ମଧ୍ୟ ହୋଇଥିଲେ। ଆଜି ସମସ୍ତଙ୍କୁ ସଂସଦରେ ତାଙ୍କର ଅନୁପସ୍ଥିତି ବାଧେ । ଲାଲୁ ଏକ ବିଚାରଧାରା, ଯାହାକୁ ଆପଣ ଶେଷ କରିପାରିବେ ନାହିଁ ବୋଲି ସେ କହିଛନ୍ତି ।
ତେଜସ୍ବୀ ଦଳର କର୍ମୀଙ୍କୁ ସମ୍ବୋଧିତ କରି କହିଥିଲେ ଯେ ନୀତିଶ ସରକାର ଲୋକଙ୍କୁ ‘ଜଙ୍ଗଲ ରାଜ’କୁ ମନେ ପକାଉଛନ୍ତି। ଯାହା 30 ବର୍ଷ ପୁରୁଣା । ମୁଁ ସ୍ବୀକାର କରିଛି ଯେ ଆରଜେଡିର 15 ବର୍ଷର ଶାସନକାଳରେ କିଛି ଭୁଲ୍ କରିଛି ତେବେ ଜନସାଧାରଣ ମୋତେ କ୍ଷମା କରିବା ଉଚିତ୍ ।
ଏଥିପାଇଁ ଆମେ ଗତ 15 ବର୍ଷ ଧରି କ୍ଷମତାଠାରୁ ଦୂରରେ, ଆମେ କ୍ଷମା ମାଗୁଛୁ କିନ୍ତୁ ନୀତିଶଙ୍କ ଶାସନ କାଳରେ 55 ଟି ଘୋଟାଲା ପାଇଁ ନୀତିଶ ଲୋକଙ୍କୁ କ୍ଷମା ମାଗିବେ କି ? ପ୍ରକାଶଥାଉକି, ଆରଜେଡି ଏହାର 24 ତମ ପ୍ରତିଷ୍ଠା ଦିବସ 5 ଜୁଲାଇ ଅର୍ଥାତ୍ ରବିବାର ପାଳନ କରିଛି । ଏଥି ସହ ଶାସକ ଦଳ ଜେଡିୟୁ ପୋଷ୍ଟର ମାଧ୍ୟମରେ ଆରଜେଡି ବିରୋଧରେ ଦୁର୍ନୀତିର ଏକ ଲମ୍ବା ତାଲିକା ପ୍ରକାଶ କରିଛି। କେବଳ ଏତିକି ନୁହେଁ, ଏଥିରେ ତେଜସ୍ବୀ ଯାଦବଙ୍କୁ ‘ଫେଲସ୍ବୀ ଯାଦବ’ ଓ ଦଳକୁ ଜାତୀୟ ‘ଜାଲିଆତି ପାର୍ଟି’ ଭାବେ ନାମିତ କରାଯାଇଛି।
