ଚେନ୍ନାଇ: ପ୍ରାଣ ହରାଇଲା 12 ବର୍ଷିୟ ହାତୀ । ତାମିଲନାଡୁର କୋଏମ୍ବାଟୁରର ଏକ ଜଙ୍ଗଲରେ ଏକ ଗଛ ଡାଳରେ ବାଜି ପାଟିରେ ଆଘାତ ପାଇଥିଲା ହାତୀଟି । ସପ୍ତାହର ସଂଗ୍ରାମ ପରେ ଶେଷରେ ସୋମବାର ହାତୀର ମୃତ୍ୟୁ ହୋଇଛି ।
ପେରିୟାନିକେନପାଲାୟମ୍ ଜଙ୍ଗଲ ପରିସରରେ ଏକ ପୁରୁଷ ହାତୀ ଆହାତ ହୋଇଥିବା ବିଷୟରେ ସୂଚନା ପାଇବା ପରେ ବନ ବିଭାଗର ଅଧିକାରୀ ଓ ପ୍ରାଣୀ ଚିକିତ୍ସକ ଏହାର ଚିକିତ୍ସା ଆରମ୍ଭ କରିଥିଲେ । କଦଳୀ ମଧ୍ୟରେ ଆଣ୍ଟିବାୟୋଟିକ୍ ଓ ପେନକିଲର୍ ଦେଇ ଖାଇବାକୁ ଦେଉଥିଲେ । ତେବେ ସୋମବାର ସକାଳ ପ୍ରାୟ 5ଟା30ମିନିଟ ସମୟରେ ମୃତ୍ୟୁ ଘଟିଛି ବୋଲି ବନ ବିଭାଗ ସୂତ୍ରରୁ ପ୍ରକାଶ।
ଗତ କିଛି ଦିନ ତଳେ କେରଳରୁ ଗର୍ଭିଣୀ ହାତୀର ମୃତ୍ୟୁ ଖବର ସମଗ୍ର ଦେଶକୁ ଆନ୍ଦୋଳିତ କରିଥିଲା । ବିସ୍ପୋରକ ଫଳ ଖାଇ ହାତୀଟିର ମୃତ୍ୟୁ ହୋଇଥିଲା ।
