ଚେନ୍ନାଇ: ତାମିଲନାଡୁ ଓ ଗୁଜୁରାଟରେ ଥମୁନି କୋରୋନା ଆକ୍ରାନ୍ତ । ପ୍ରତିଦିନ ଶହ ଶହ ପଜିଟିଭ ବାହାରୁଛନ୍ତି । ବିଶେଷ କରି ତାମିଲନାଡୁର ଚେନ୍ନାଇ ଓ ଗୁଜୁରାଟର ଅହମ୍ମଦାବାଦରେ ଅଧିକ ଆକ୍ରାନ୍ତ ବାହାରୁଥିବା ଜଣାପଡିଛି ।
ମଙ୍ଗଳବାର ତାମିଲନାଡୁରେ 646ଟି ନୂଆ କେସ ବାହାରିଛି । ଫଳରେ ଏଠାରେ ମୋଟ ଆକ୍ରାନ୍ତଙ୍କ ସଂଖ୍ୟା 20 ହଜାର ଅଭିମୁଖେ ଆଗେଇଛି । ଏବେ ସୁଦ୍ଧା ରାଜ୍ୟରେ 17 ହଜାର 728 ମାମଲା ସ୍ପଷ୍ଟ ହୋଇଛି । ତେବେ ମୃତ୍ୟୁସଂଖ୍ୟା କମ ଥିବାବେଳେ 24 ଘଣ୍ଟାରେ 9ଟି ମୃତ୍ୟୁ ସହ ମୋଟ 127ଟି କୋରୋନାଜନିତ ମୃତ୍ୟୁ ହୋଇଛି । ଏବେ ଯାଏଁ 8256 ସକ୍ରିୟ କେସ ରହିଛି ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।
ସେହିପରି ଗୁଜୁରାଟରେ ଗତ 24 ଘଣ୍ଟାରେ 361ଟି ନୂଆ ମାମଲା ସ୍ପଷ୍ଟ ହୋଇଛି । ରାଜ୍ୟରେ ମୋଟ ଆକ୍ରାନ୍ତ 14 ହଜାର 829 ରହିଛି । ମଙ୍ଗଳବାର 27ଟି ମୃତ୍ୟୁ ସହ ମୋଟ ମୃତ୍ୟୁସଂଖ୍ୟା 915 ରହିଛି ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।
ସୌଜନ୍ୟ@ANI
