କନ୍ଥାଲୁର: ଦକ୍ଷିଣ ଭାରତରେ ଫଳ ଜଗତରେ ସେଓର ସ୍ଥାନ ନିଆରା । କିନ୍ତୁ ପାଣିପାଗ ପରିବର୍ତ୍ତନ ହେଉଥିବାବେଳେ ଏବେ ମରାଠାକଲ୍ଲି(ଟାମାରିଲୋ) ସେଓର ସ୍ଥାନ ନେଉଛି । ଯାହା ସ୍ଥାନୀୟ ବାସିନ୍ଦାଙ୍କ ସହିତ ଏଠାକୁ ଆସୁଥିବା ପର୍ଯ୍ୟଟକଙ୍କୁ ବେଶ ଆକର୍ଷିତ କରିବାରେ ଲାଗିଛି ।
ମରାଠାକଲ୍ଲି, (ବୈଜ୍ଞାନିକ ନାମ ଟାମାରିଲୋ) ବିଶେଷ ଭାବେ ଏଥେନ୍ସ ଓ ପେରୁ ଅଞ୍ଚଳରେ ଦେଖାଯାଏ । ଟାମାରିଲେ ବା ମରାଠାକଲ୍ଲିର ଭିତର ଅଂଶ ଦେଖିବାକୁ ଟମାଟୋ ଭଳି । ସେହିପରି ଏହାର ବାହ୍ୟ ଅଞ୍ଚଳ ବାଇଗଣ ଭଳି ଦେଖିବାକୁ । ତେବେ ବୈଜ୍ଞାନିକଙ୍କ କହିବା ଅନୁଯାୟୀ ଏହି ଫଳରେ ଭିଟାମିନ 'ଏ' ଭରପୁର ରହିଛି । ତେବେ ରୋଗ ନିରାକରଣ ଓ ରକ୍ତଚାପ ନିୟନ୍ତ୍ରଣ କରିବାରେ ଏହା ବେଶ ସହାୟକ ହୋଇଥାଏ ବୋଲି ବୈଜ୍ଞାନିକମାନେ କହିଛନ୍ତି ।
ସେପଟେ କିନ୍ତୁ ଏହି ଫଳର ଚାଷକୁ ନେଇ ଚାଷୀମାନେ ଅସନ୍ତୋଷ ପ୍ରକାଶ କରିଛନ୍ତି । ଚାଷୀମାନେ କହିଛନ୍ତି କି ଏହି ଫଳରେ ସେମାନଙ୍କୁ ଉଚିତ ମୂଲ୍ୟ ମିଳୁନାହିଁ । ଏଠାକୁ ଆସୁଥିବା ପର୍ଯ୍ୟଟକଙ୍କୁ ଏହି ଫଳ ସହିତ ପରିଚିତ କରିବା ପାଇଁ କେବଳ ଚାଷ କରୁଛନ୍ତି ବୋଲି ସେମାନେ କହିଛନ୍ତି । ତେବେ ଏହି ଫଳର ବିକ୍ରି ପାଇଁ ସରକାର ଯଦି କୌଣସି ପ୍ରକାର ସାହାଯ୍ୟ କରନ୍ତେ, ତାହା ହେଲେ ସେମାନେ ବେଶ ଦୁଇ ପଇସା ପାଆନ୍ତେ ବୋଲି ଚାଷୀମାନେ କହିଛନ୍ତି ।
ଏହା ସହିତ ଏହି ଫଳ ପାଇଁ କନ୍ଥାଲୁର ମଧ୍ୟ ସ୍ବତନ୍ତ୍ର ପରିଚୟ ପାଇ ପାରନ୍ତା ବୋଲି ଚାଷୀମାନେ ପ୍ରକାଶ କରିଛନ୍ତି । ବର୍ଷକୁ ପାଖାପାଖି 1 ଟନ ଟମାରିଲୋ ଚାଷ ହେଉଛି ବୋଲି ସେମାନେ ପ୍ରକାଶ କରିଛନ୍ତି ।
