ଜୟପୁର: ଆସନ୍ତା 24ରୁ ଦୁଇ ଦିନିଆ ଭାରତ ଗସ୍ତରେ ଆମେରିକା ରାଷ୍ଟ୍ରପତି ଆସୁଛନ୍ତି । ଆଉ ଏବେ ଚର୍ଚ୍ଚା ଟ୍ରମ୍ପ ଭାରତ ଗସ୍ତରେ କେଉଁଠି ରହିବେ ଓ କ‘ଣ ଖାଇବେ ?
ସୁନା ଥାଳିରେ ଖାଇବେ ଟ୍ରମ୍ପ
ତେବେ ସୂଚନା ଅନୁସାରେ ଅହମଦାବାଦ ଓ ଆଗ୍ରା ଗସ୍ତ ପରେ ଦିଲ୍ଲୀର ଆଇଟିସି ମୌର୍ଯ୍ୟ ହୋଟେଲରେ ରହିବେ ଟ୍ରମ୍ପ ।
ଡୋନାଲ୍ଡ ଟ୍ରମ୍ପ ଓ ମେଲାନିଆ ଟ୍ରମ୍ପଙ୍କୁ ଭାରତରେ ଭବ୍ୟ ସ୍ବାଗତ କରିବା ପାଇଁ ସମସ୍ତ ପ୍ରସ୍ତୁତି ସରିଛି । ଟ୍ରମ୍ପ ଦମ୍ପତିଙ୍କ ଗସ୍ତକୁ ନେଇ ଆଇଟିସି ମୌର୍ଯ୍ୟ ହୋଟେଲର ଚାଣକ୍ୟ ସୁଟ୍ ବା ପ୍ରେସିଡେନସିଆଲ ସୁଟ୍କୁ ପ୍ରସ୍ତୁତ କରାଯାଇଛି । ତେବେ ସେ ଶୁଦ୍ଧ ସୁନା ଓ ଚାନ୍ଦିରେ ନିର୍ମିତ ପ୍ଲେଟରେ ଭୋଜନ ଗ୍ରହଣ କରିବେ ।
ଜୟପୁରର ଅରୁଣ ପାବୁବାଲଙ୍କ ଦ୍ବାରା ଡିଜାଇନ କରାଯାଇଥିବା ଖାଇବା ସେଟ୍କୁ ଟ୍ରମ୍ପଙ୍କ ପାଇଁ ଦିଲ୍ଲୀ ପଠାଯାଇଛି ।
ଏଠାରେ ସୂଚନାଯୋଗ୍ୟ, ସେ ଏହା ପୂର୍ବରୁ ମଧ୍ୟ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ପାଇଁ ଖାଇବା ସେଟ୍ ପ୍ରସ୍ତୁତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
