ନୂଆଦିଲ୍ଲୀ: କିଛି କ୍ଷଣ ପାଇଁ ରାଜନୈତିକ ଗଳିରେ ହଇଚଇ ମଚାଇଦେଲା କେନ୍ଦ୍ରମନ୍ତ୍ରୀ ଡ. ହର୍ଷ ବର୍ଦ୍ଧନଙ୍କ ଟ୍ବିଟ । ପୂର୍ବତନ ବିଦେଶ ମନ୍ତ୍ରୀ ସୁଷମା ସ୍ବରାଜଙ୍କୁ ଆନ୍ଧ୍ର ପ୍ରଦେଶର ନୂଆ ରାଜ୍ୟପାଳ ଭାବରେ ନିଯୁକ୍ତି ମିଳିଥିବା ଟ୍ବିଟ କରିଥିଲେ ହର୍ଷ ବର୍ଦ୍ଧନ । ଯାହାକୁ ନେଇ ଆରମ୍ଭ ହୋଇଯାଇଥିଲା ଚର୍ଚ୍ଚା । ତେବେ ଏହି ସମସ୍ତ ଚର୍ଚ୍ଚାର ଅନ୍ତ ଘଟାଇଛନ୍ତି ସୁଷମା । ଏହି ଖବରଟି ସମ୍ପୂର୍ଣ୍ଣ ମିଥ୍ୟା ବୋଲି ସେ ଟ୍ବିଟ କରି ଜଣାଇଛନ୍ତି ।
ସୂଚନାଯୋଗ୍ୟ ଯେ, କିଛି ସମୟ ପୂର୍ବରୁ ହର୍ଷ ବର୍ଦ୍ଧନ ଟ୍ବିଟ କରି ସୁଷମାଙ୍କୁ ଶୁଭେଚ୍ଛା ଜଣାଇଥିଲେ । ବିଜେପିର ବରିଷ୍ଠ ନେତା ତଥା ମୋ ପ୍ରିୟର ଭଉଣି ସୁଷମାଙ୍କୁ ଆନ୍ଧ୍ର ପ୍ରଦେଶର ରାଜ୍ୟପାଳ ଭାବେ ନିଯୁକ୍ତି ମିଳିଥିବାରୁ ତାଙ୍କୁ ହାର୍ଦ୍ଦିକ ଶୁଭେଚ୍ଛା । ସବୁ କ୍ଷେତ୍ରରେ ତାଙ୍କ ଦୀର୍ଘ ଦିନର ଅନୁଭବ ରହିଛି, ଯାହା ଦ୍ବାରା ଆନ୍ଧ୍ର ପ୍ରଦେଶ ଲୋକ ଲାଭଭାନ ହେବେ ବୋଲି ସେ ନିଜ ଟ୍ବିଟରେ କହିଥିଲେ ।
