ହାଇଦ୍ରାବାଦ: ଗୁରୁତର କୋରୋନା ରୋଗୀ, ବିଶେଷ କରି ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରୁଥିବା ରୋଗୀଙ୍କ ଚିକିତ୍ସା କରାଯାଇପାରେ । ଏକ କ୍ଲିନିକାଲ ଅଧ୍ୟୟନକୁ ଜଣାପଡିଛି, ବ୍ରୁଟନ୍ ଟାଇରୋସିନ୍ କିନାସେ (BTK) ପ୍ରୋଟିନକୁ ବ୍ଲକ କରିବା ଦ୍ବାରା ଗୁରୁତର କୋଭିଡ ଆକ୍ରାନ୍ତ ସୁସ୍ଥ ହୋଇପାରୁଛନ୍ତି । କର୍କଟ ଔଷଧ ଆକାଲାବ୍ରୁଟିନିବ୍ର, ରକ୍ତ କର୍କଟ ରୋଗର ଚିକିତ୍ସା ପାଇଁ ବ୍ୟବହାର ହେଉଥିବା BTK ଇନହିବିଟର ଶ୍ବାସକ୍ରିୟା ଜନିତ ସମସ୍ୟା ହ୍ରାସ କରିଥାଏ । ଏହା ସହିତ ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରୁଥିବା ନେଇ ରିସର୍ଚ୍ଚରୁ ଜଣାପଡିଛି ।
ସାଇନ୍ସ ଇମ୍ୟୁନୋଲୋଜିରେ ଏହି ଅନୁସନ୍ଧାନ 5 ଜୁନ୍, 2020 ପ୍ରକାଶିତ ହୋଇଥିଲା । ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହେଲଥ୍ (NIH) ର ଉଭୟ ଅଂଶ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଆଲର୍ଜି ଏବଂ ସଂକ୍ରାମକ ରୋଗ (NIAID) ର ଅନୁସନ୍ଧାନକାରୀଙ୍କ ସହ ନ୍ୟାସନାଲ କ୍ୟାନସର ଇନଷ୍ଟିଚ୍ୟୁଟ୍ (ଏନସିଆଇ) ର କର୍କଟ ଅନୁସନ୍ଧାନ କେନ୍ଦ୍ରର ଅନୁସନ୍ଧାନକାରୀଙ୍କ ଦ୍ୱାରା ଏହି ଅଧ୍ୟୟନ କରାଯାଇଥିଲା। ଏହା ସହିତ ଆମେରିକାର ପ୍ରତିରକ୍ଷା ବିଭାଗର ୱାଲ୍ଟର ରିଡ୍ ନ୍ୟାସନାଲ ମିଲିଟାରୀ ମେଡିକାଲ୍ ସେଣ୍ଟର ଏବଂ ଜାତୀୟ ସ୍ତରରେ ଅନ୍ୟ ଚାରିଟି ଡାକ୍ତରଖାନା ଏହି ପରୀକ୍ଷାରେ ସାମିଲ ହୋଇଥିଲେ ।
ସାଧାରଣ ପ୍ରତିରୋଧକରେ BTK ପ୍ରୋଟିନ୍, ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ମାକ୍ରୋଫେଜ୍ ସହିତ, ଏକ ପ୍ରକାର ଅନ୍ତର୍ନିହିତ ପ୍ରତିରକ୍ଷା କୋଷ ଯାହା ସାଇଟୋକାଇନ୍ ଭାବରେ ଜଣାଶୁଣା ପ୍ରୋଟିନ୍ ଉତ୍ପାଦନ କରି ପ୍ରଦାହ ସୃଷ୍ଟି କରିପାରେ । ଏହି ସାଇଟୋକାଇନ୍ସ ରାସାୟନିକ ଦୂତ ଭାବରେ କାର୍ଯ୍ୟ କରେ ଯାହା ପ୍ରତିରୋଧ ଶକ୍ତିକୁ ତ୍ବରାନ୍ବିତ କରିଥାଏ । ଗୁରୁତର କୋଭିଡ ଥିବା କେତେକ ଆକ୍ରାନ୍ତଙ୍କ ଶରୀରରେ ବହୁ ପରିମାଣରେ ସାଇଟୋକାଇନ୍ ନିର୍ଗତ ହୋଇଥାଏ । ଏହା ଦ୍ବାରା ଫୁସଫୁସରେ ସଂକ୍ରମଣ ହେବା ସହ ଏହାର ପ୍ରତିରୋଧକ ଶକ୍ତିକୁ କମାଇଥାଏ ।
ଏହି ହାଇପରିନଫ୍ଲାମେଟୋରୀ ଅବସ୍ଥାକୁ “ସାଇଟୋକାଇନ୍ ଷ୍ଟ୍ରୋମ” କୁହାଯାଏ । ବର୍ତ୍ତମାନ ପର୍ଯ୍ୟନ୍ତ କୋରୋନା ପାଇଁ କୌଣସି ପ୍ରମାଣିତ ଚିକିତ୍ସା ମିଳିପାରି ନାହିଁ । ଯଦି BTK ପ୍ରୋଟିନକୁ ଆକାଲାବ୍ରୁଟିନିବ ସହିତ ବ୍ଲକ କରିବା ଦ୍ବାରା ଏହା ପ୍ରଦାହ କମିଯାଏ ଏବଂ ଗୁରୁତର କୋଭିଡ ଆକ୍ରାନ୍ତଙ୍କ ଚିକିତ୍ସା ସମ୍ଭବ । କ୍ଲିନିକାଲ ଟେଷ୍ଟ ହୋଇଥିଲା ଏବଂ ସଫଳତା ମିଳିଛି ।
ଗୁରୁତର ରୋଗୀଙ୍କ ଠାରେ ଆକ୍ଲାବ୍ରୁଟିନିବ ପରୀକ୍ଷା କରାଯାଇଥିଲା । ପରୀକ୍ଷା ପରେ ସେହି ରୋଗୀଙ୍କ ରକ୍ତ ନମୁନାରୁ ଜଣାପଡିଛି ଯେ, ଇଣ୍ଟରଲୁକିନ୍ -6 (ଆଇଏଲ୍ -6), ହାଇପରିନଫ୍ଲାମେସନ୍ ସହ ଜଡିତ ଏକ ପ୍ରମୁଖ ସାଇଟୋକାଇନର ହ୍ରାସ ହୋଇଛି ।
ଲିମ୍ଫୋସାଇଟ୍(ଧଳା କଣିକା) ବୃଦ୍ଧି ଯୋଗୁଁ ଅଧିକାଂଶ ରୋଗୀ ସୁସ୍ଥ ହୋଇଥାନ୍ତି। ଯେଉଁମାନଙ୍କ ଠାରେ କମ୍ ଲିମ୍ଫୋସାଇଟ୍ ଥାଏ, ସେମାନଙ୍କୁ ଗୁରୁତର COVID-19 କୁହାଯାଏ । ଅନୁସନ୍ଧାନକାରୀମାନେ ଗୁରୁତର COVID-19 ରୋଗୀଙ୍କ ଠାରୁ ରକ୍ତ କଣିକା ପରୀକ୍ଷା କରିଥିଲେ ଯେଉଁମାନେ ଅଧ୍ୟୟନରେ ନଥିଲେ। ସୁସ୍ଥ ସ୍ୱେଚ୍ଛାସେବୀମାନଙ୍କ ନମୂନା ତୁଳନାରେ, ସେମାନେ ଜାଣିବାକୁ ପାଇଲେ ଯେ ଗୁରୁତର କୋଭିଡ ଆକ୍ରାନ୍ତଙ୍କ ଠାରେ BTK ପ୍ରୋଟିନର ଅଧିକ କାର୍ଯ୍ୟକଳାପ ଏବଂ IL-6 ର ଅଧିକ ଉତ୍ପାଦନ ଅଛି । ଏହି ଅନୁସନ୍ଧାନରୁ ଜଣାପଡିଛି ଯେ ଆକାଲାବ୍ରୁଟିନିବ ପ୍ରଭାବଶାଳୀ ହୋଇପାରେ କାରଣ BTKକୁ ଟାର୍ଗେଟ କରିବା ସହ ଗୁରୁତର COVID-19 ପ୍ରତିରୋଧକ ଶକ୍ତିକୁ ବଢାଇଥାଏ ।
ଏହି ଅଧ୍ୟୟନର ଫଳାଫଳଗୁଡିକ ଆଷ୍ଟ୍ରାଜେନେକା ଦ୍ୱାରା ପ୍ରାୟୋଜିତ CALAVI (acalabrutinib) ରାଣ୍ଡୋମାଇଜଡ୍, ନିୟନ୍ତ୍ରିତ କ୍ଲିନିକାଲ୍ ଟ୍ରାଏଲ୍ ର ଟ୍ରାଏଲ୍ ଡିଜାଇନ୍ ବିଷୟରେ ସୂଚନା ଦେବା ପାଇଁ ବ୍ୟବହୃତ ହୋଇଥିଲା । ଯାହା ଗୁରୁତର COVID-19 ଆକ୍ରାନ୍ତଙ୍କ କ୍ଷେତ୍ରରେ ଆକାଲାବ୍ରୁଟିନିବ୍ର ନିରାପତ୍ତା ଏବଂ କାର୍ଯ୍ୟକାରିତାକୁ ପରୀକ୍ଷା କରିଥିଲା ।
