ନୂଆଦିଲ୍ଲୀ: ଜେଏନୟୁ ଛାତ୍ର ସରଜିଲ ଇମାମର ଗିରଫଦାରୀକୁ ନେଇ ବିରୋଧ ପ୍ରଦର୍ଶନ ଦେଖିବାକୁ ମିଳିଛି । ଏହି ସମୟରେ ବିରୋଧ କରୁଥିବା ଛାତ୍ର ମାନେ କେନ୍ଦ୍ର ସରକାରଙ୍କ ବିରୁଦ୍ଧରେ ନାରାବାଜି ଦେଇଛନ୍ତି । କେବଳ ଏତିକି ନୁହେଁ ସରଜିଲ ଇମାମ ନିର୍ଦ୍ଦୋଷ ଓ ତାଙ୍କ ଉପରେ ଲାଗିଥିବା ସମସ୍ତ ଦଫା ହଟାଇ ମୁକ୍ତ କରିବାକୁ ଦାବି କରିଛନ୍ତି ।
ତେବେ କିଛି ଛାତ୍ର ଛାତ୍ର ସଂସଦ ଉପରେ ବି ଏଥିପାଇଁ ପ୍ରଶ୍ନ ଉଠାଇଛନ୍ତି । ଏହା ଦୁର୍ଭାଗ୍ୟପୂର୍ଣ୍ଣ କଥା ଯେ, ବିଶ୍ବ ବିଦ୍ୟାଳୟର ଜଣେ ଛାତ୍ର ସମସ୍ୟାରେ ପଡିଥିବା ବେଳେ ଛାତ୍ର ସଂସଦ ଏଥିପାଇଁ ଆଗକୁ ଆସୁନାହିଁ । ଯାହା ଅତ୍ୟନ୍ତ ନିନ୍ଦନୀୟ ବୋଲି ଧାରଣାରତ ଛାତ୍ରଛାତ୍ରୀ କହିଛନ୍ତି ।
ଅନ୍ୟପଟେ ସରଜିଲ ଇମାମ ଏମିତି କିଛି ଭୁଲ କଥା କହିନାହାଁନ୍ତି ଯେ, ସରକାର ତାଙ୍କୁ ଦେଶଦ୍ରୋହ ମାମଲାରେ ଛନ୍ଦି ଦେଇଛନ୍ତି ବୋଲି ଛାତ୍ରଛାତ୍ରୀ ମାନେ ଅଭିଯୋଗ ଉଠାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
