ଚେନ୍ନାଇ: ସମୁଦ୍ରରେ ମାଛ ଧରୁଥିବା ସମୟରେ ଶ୍ରୀଲଙ୍କା ନୌସେନା 9 ଜଣ ଭାରତୀୟ ମତ୍ସ୍ୟଜୀବୀଙ୍କୁ ଶନିବାର ଗିରଫ କରିଥିବା ଭାରତୀୟ ତଟରକ୍ଷୀ ବାହିନୀକୁ ସୂଚନା ଦେଇଛନ୍ତି । ତେବେ ସମସ୍ତ ମାଛ ଧରାଳି ତାମିଲନାଡୁର ହୋଇଥିବା ବେଳେ ଶ୍ରୀଲଙ୍କା ସୀମା ମଧ୍ୟରେ ପଶି ମାଛ ଧରୁଥିବାରୁ ଗିରଫ ହୋଇଛନ୍ତି ।
ଗିରଫ ହୋଇଥିବା ମତ୍ସ୍ୟଜୀବୀମାନେ ତାମିଲନାଡୁ ରାମେଶ୍ବରମ ଅଞ୍ଚଳର ଜଣାପଡିଛି । ସେହି ମତ୍ସ୍ୟଜୀବୀମାନେ ଗ୍ରେସ, ଭଲାନ କୌଶିକ, ମିସେଉସ, କିଙ୍ଗସ୍ଟନ, ସାମ ସ୍ଟିଲର, ନିଜନ ବ୍ରିଘଂଟନ, କିଶୋକ, ମରି ବୋଲି ଜଣାପଡିଛି । ଶ୍ରୀଲଙ୍କା ନୌସେନାମାନେ ସେମାନଙ୍କ ଏକ ବୋଟ ନମ୍ବର IND-TN-10-MM-296କୁ ମଧ୍ୟ ଅଟକ ରଖିଛନ୍ତି ।
ସେମାନେ ଶ୍ରୀଲଙ୍କା ସୀମାରେ ଥିବା ସମୁଦ୍ର ପାଣିରୁ ବେଆଇନ ଭାବେ ମାଛ ଧରୁଥିବାରୁ ସେମାନଙ୍କୁ ଗିରଫ କରାଯାଇଥିବା ଜଣାପଡିଛି । ପୂର୍ବରୁ ଏହିପରି ଅନେକ ଥର ଶ୍ରୀଲଙ୍କା ସୀମାରେ ମାଛ ଧରୁଥିବା ଅଭିଯୋଗରେ ଭାରତୀୟ ମତ୍ସ୍ୟଜୀବୀମାନେ ଗିରଫ ହୋଇଥିବା ଖବର ସାମନାକୁ ଆସିଛି ।
@ANI
