ଭୋପାଳ: କୋରାନା ସଂକ୍ରମଣ ହେତୁ ଫସିରହିଥିବା 93 ଭାରତୀୟଙ୍କୁ ନେଇ ଏକ ଏୟାର ଇଣ୍ଡିଆ ବିମାନ ବ୍ରିଟେନରୁ ଇନ୍ଦୋରରେ ପହଞ୍ଚିଛି । ବିମାନବନ୍ଦର ନିର୍ଦ୍ଦେଶକ ଆର୍ଯ୍ୟମା ସାନ୍ୟାଲ କହିଛନ୍ତି ଯେ ବନ୍ଦେ ଭାରତ ଅଭିଯାନ ଅଧୀନରେ ଏୟାର ଇଣ୍ଡିଆ ବିମାନ ରବିବାର ସକାଳ 8 ଟା45 ମିନିଟରେ ଲଣ୍ଡନରୁ ମୁମ୍ବାଇ ହୋଇ ଇନ୍ଦୋରରେ ପହଞ୍ଚିଥିଲା।
ଏହି ସ୍ବତନ୍ତ୍ର ବିମାନ ମାଧ୍ୟମରେ 93 ଭାରତୀୟ ନାଗରିକଙ୍କୁ ବ୍ରିଟେନରୁ ଘରକୁ ଅଣାଯାଇଛି । ସେ କହିଛନ୍ତି ଯେ କଷ୍ଟମ୍ ବିଭାଗ ଓ ଇମିଗ୍ରେସନ ଔପଚାରିକତା ପୂରଣ କରିବା ସହିତ ଏହି ସମସ୍ତ ଯାତ୍ରୀଙ୍କ ସ୍ବାସ୍ଥ୍ୟ ଯାଞ୍ଚ କରାଯାଇଥିଲା । ଏହାସହ ସେମାନଙ୍କର ଜିନିଷ ସାନିଟାଇଜ୍ କରାଯାଇଥିଲା।
ବ୍ରିଟେନରୁ ଘରକୁ ଫେରିଥିବା ସମସ୍ତ ଯାତ୍ରୀଙ୍କୁ ବାଧ୍ୟତାମୂଳକ କ୍ବାରେଣ୍ଟାଇନ୍ ସେଣ୍ଟରରେ 14 ଦିନ ରଖାଯିବ। କୋରୋନା ହେତୁ ଭାରତ ବିଭିନ୍ନ ଦେଶରେ ଫସିରହିଥିବା ନାଗରିକମାନଙ୍କୁ ବନ୍ଦେ ଭାରତ ଅଭିଯାନରେ ଫେରାଇ ଆଣାଯାଇଛି।
