ନୂଆଦିଲ୍ଲୀ: ମାଞ୍ଚେଷ୍ଟରରେ ମହାଲଢେଇ । ଆଜି ବିଶ୍ବକପ ମୁକାବିଲାର ହାଇଭୋଲଟେଜ ମ୍ୟାଚ୍ । ମୈଦାନରେ ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବୀ ଭାରତ ଓ ପାକିସ୍ତାନର ମହାଲଢେଇ । ଏନେଇ କ୍ରିକେଟ ପ୍ରେମୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ତେବେ ଭାରତର ବିରାଟ ବିଜୟ କାମନା କରି ବାରଣାସୀର ମନ୍ଦିରରେ ଚାଲିଛି ପୂଜା ଅର୍ଚ୍ଚନା ।
ଏହି ବିଶ୍ବକପର ବିଶ୍ବଯୁଦ୍ଧରେ କିଏ ପିନ୍ଧିବ ବିଜୟ ମୁକୁଟ ଓ କାହା ହାତରେ ରହିବ ବିଜୟ ଟ୍ରଫି ସେନେଇ ଲାଗି ରହିଛି ସସପେନ୍ସ । ଭାରତୀୟ ସମୟ ଅନୁସାରେ ଏହି ମ୍ୟାଚ ଦିନ 3 ଟାରେ ଆରମ୍ଭ ହେବ । ବର୍ତ୍ତମାନ ସୁଦ୍ଧା ଭାରତ ପାକିସ୍ତାନ ମଧ୍ୟରେ 131 ଟି ମ୍ୟାଚ ଖେଳାଯାଇଛି । ସେଥିମଧ୍ୟରୁ 74ଟିରେ ପାକିସ୍ତାନ ଓ 54ଟି ମ୍ୟାଚରେ ଭାରତ ବିଜୟ ଲାଭ କରିଛି ।
