ନୂଆଦିଲ୍ଲୀ: ଭାରତୀୟ ବାୟୁସେନା ନିକଟରେ କିଛି ଏପରି ଲଢୁଆ ହେଲିକପ୍ଟର ରହିଛି ଯାହାର ବିଶେଷତ୍ବ ବେଶ୍ ଅଧିକ । ପ୍ରତିଟି ହେଲିକପ୍ଟରରେ ଭିନ୍ନଭିନ୍ନ ବିଶେଷତ୍ବ ରହିଛି । ତେବେ ଆସନ୍ତୁ ଜାଣିବା ଏହି ସବୁ ଭାରତୀୟ ବାୟୁସେନାର ମୁଖ୍ୟ ହେଲିକପ୍ଟରର ସମ୍ପର୍କରେ... ।
କାମୋବ କିଏ-50 ଏବଂ 52
ରୁଷିୟାର ଏହି ଯୁଦ୍ଧ ବିମାନ କାମୋବ କିଏ-50 ଏବଂ 52କୁ ବ୍ଲାକ ସାର୍କ ମଧ୍ୟ କୁହାଯାଏ । ଏହି ହେଲିକପ୍ଟରରେ ଗୋଟିଏ ସିଟ୍ ରହିଛି ଯାହା ହାଲ୍କା ରଙ୍ଗର ହୋଇଥିବା ସହ ବେଶ୍ ଶକ୍ତିଶାଳୀ । ଏହାର ନିର୍ମାଣ 1980ରେ କରାଯାଇଥିଲା । କିନ୍ତୁ ରୁଷସେନା ଏହାକୁ 1995ରେ ବ୍ୟବହାର କରିଥିଲେ ।
ଏହି ହେଲିକପ୍ଟର ଅନ୍ୟ ହେଲିକପ୍ଟର ଠାରୁ ଆକାରରେ ଛୋଟ ହୋଇଥିବା କାରଣରୁ ଏହା ସମସ୍ତଙ୍କ ଠାରୁ ବେଶ୍ ଶକ୍ତିଶାଳୀ ଅଟେ । ଏହା କୌଣସି ବି ପରିସ୍ଥିତିରେ ବ୍ୟବହାର କରାଯାଇପାରେ । ଏହି ହେଲିକପ୍ଟର ଖୀପ୍ର ଗତିରେ ଉଡିବା ପାଇଁ ଏଥିରେ ତିନୋଟି ରୋଟର ବ୍ଲେଡ୍ ଲଗାଯାଇଛି । ଏଥିସହ ଏଥିରେ ପାଇଲଟ ପାଇଁ ଇଞ୍ଜେକ୍ସନ ସିଟ୍ ରହିଛି ଯାହା ଜରୁରୀକାଳୀନ ସ୍ଥିତିରେ ପାଇଲଟ ନିଜ ଜୀବନ ବଞ୍ଚାଇପାରିବାକୁ ସମର୍ଥ ହୋଇପାରିବେ । ତେବେ ଏହି ହେଲିକପ୍ଟରରେ 10,800 କିଲୋଗ୍ରାମ ଓଜନ ଉଠାଇବାର ସକ୍ଷମତା ରହିଛି । ଏଥିସହ ଏହି ହେଲିକାପ୍ଟର ଘଣ୍ଟା ପ୍ରତି 310 କିଲୋମିଟର ବେଗରେ ଉଡିବାର କ୍ଷମତା ମଧ୍ୟ ରଖିଛି ।
ଏମଆଇ-28 ଏଚ
ଏମଆଇ-28 ମଧ୍ୟ ରୁଷିୟ ହେଲିକପ୍ଟର ଅଟେ । ତେବେ ‘‘ନାଟୋ’’ ଏହାର ଅନ୍ୟ ନାମ ହକ୍ ଦେଇଛି । ଦୁଇ ସିଟ୍ ବିଶିଷ୍ଟ ଏହି ଆଣ୍ଟି ଆର୍ମର ଆଟାକ୍ ହେଲିକପ୍ଟରକୁ ସମସ୍ତ ପାଣିପାଗରେ ବ୍ୟବହାର କରାଯାଇପାରିବ । ଏହାଛଡା ଏହି ହେଲିକପ୍ଟରରେ ଗୁଳି ବାଜିଲେ ମଧ୍ୟ ଏହା ଉଡିବାର ସକ୍ଷମତା ରଖିଛି । ଏହାଛଡା ଏଥିରେ ଆଣ୍ଟି-ଟାଙ୍କ ମିଶାଇଲ ଲଗାଯାଇଛି । ତେବେ ଏହି ହେଲିକପ୍ଟରରେ 11,500 କିଲୋଗ୍ରାମ ଓଜନ ଉଠାଇବାର ସକ୍ଷମତା ରହିଛି । ଏଥିସହ ଏହି ହେଲିକପ୍ଟର ଘଣ୍ଟା ପ୍ରତି 320 କିଲୋମିଟର ଉଡିବାର କ୍ଷମତା ରଖିଛି ।
ୟୁରୋକୋପ୍ଟର ଟାଇଗର
ଏହି ହେଲିକପ୍ଟର ଫ୍ରାନ୍ସ ଏବଂ ଜର୍ମାନୀ ଦେଶ ଦ୍ବାରା ମିଳିତ ରୂପେ ନିର୍ମାଣ କରାଯାଇଛି । ଯୁଦ୍ଧକାଳୀନ ପରିସ୍ଥିତିରେ ୟୁରୋକପ୍ଟର ଟାଇଗର ହେଲିକପ୍ଟର ପ୍ରତିଟି ପରିସ୍ଥିତିକୁ ସାମ୍ନା କରିବାର କ୍ଷମତା ରଖିଛି । ଏହି ହେଲିକପ୍ଟରରେ 6000 କିଲୋଗ୍ରାମ ଓଜନ ଉଠାଇବାର କ୍ଷମତା ରହିଛି । ଏଥିସହ ଘଣ୍ଟା ପ୍ରତି 315 କିଲୋମିଟର ଉଡିବାର କ୍ଷମତା ମଧ୍ୟ ରଖିଛି ।
ଏଏଚ୍-1 ଜେଡ୍ ୱାପର
ଏହି ହେଲିକପ୍ଟର ଯୁଦ୍ଧକାଳୀନ ପରିସ୍ଥିତିରେ ସମସ୍ତ ପ୍ରକାର କାର୍ଯ୍ୟ କରିବାର କ୍ଷମତା ରଖିଥାଏ । ଦୁଇ ଇଞ୍ଜିନ ବିଶିଷ୍ଟ ଏହି ହେଲିକପ୍ଟରକୁ ଜୁଲି କୋବ୍ରା ମଧ୍ୟ କୁହାଯାଏ । ଏଥିରେ ପାଇଲଟ ପାଇଁ ଗନରର ହେଲମେଟରେ ସାଇଟ ଡିସପ୍ଲେ ସିଷ୍ଟମ ରହିଛି । ଏହି ହେଲିକପ୍ଟରରେ 5580 କିଲୋଗ୍ରାମ ଓଜନ ଉଠାଇବାର କ୍ଷମତା ରହିଛି । ଏଥିସହ ଘଣ୍ଟା ପ୍ରତି 425 କିଲୋମିଟର ଉଡିବାର କ୍ଷମତା ମଧ୍ୟ ରଖିଛି ।
