ଶ୍ରୀନଗର: ଦେଶର ସୁରକ୍ଷା ପାଇଁ ପୁଣି ଜଣେ ଯବାନ ଶହୀଦ । ବୁଧବାର ଜମ୍ମୁ କାଶ୍ମୀର ରାଜୌରୀର ନିୟନ୍ତ୍ରଣ ରେଖା ନିକଟରେ ଭାରତ ପାକିସ୍ତାନ ମଧ୍ୟରେ ଗୁଳି ବିନିମୟ। ଜଣେ ଯବାନ ଶହୀଦ ହୋଇଥିବା ପ୍ରତିରକ୍ଷା ମୁଖପାତ୍ର ସୂଚନା ଦେଇଛନ୍ତି ।
ଯବାନ ଜଣଙ୍କ ହେଲେ ରାଜସ୍ଥାନ ଯୋଧପୁରର ବାସିନ୍ଦା ସେପୋଇ ଲକ୍ଷ୍ମଣ । ଚଳିତ ବର୍ଷ ଚତୁର୍ଥ ସୈନିକ ଭାବେ ଦେଶ ପାଇଁ ଜୀବନ ଦେଇଛନ୍ତି ଲକ୍ଷ୍ମଣ । ରାଜୌରୀର ସୁନ୍ଦରବନୀ ସେକ୍ଟରରେ ପାକିସ୍ତାନ ଅସ୍ତ୍ରବିରତି ଉଲଂଘନ କରିଥିଲା । ତେବେ ଶତ୍ରୁକୁ ଭାରତ ସାମନା କରି ଜବାବ ଦେଇଛି ବୋଲି କହିଛନ୍ତି ସେନା ମୁଖପାତ୍ର ।
ସେପୋଇ ଲକ୍ଷ୍ମଣ ଜଣେ ସାହାସୀ,ପ୍ରେରଣାଦାୟକ ଓ ଦାୟିତ୍ବବାନ ସେନା ଥିଲେ । ତାଙ୍କର ସର୍ବୋଚ୍ଚ ବଳିଦାନ ଏବଂ କର୍ତ୍ତବ୍ୟ ପ୍ରତି ଦେଶ ସର୍ବଦା ତାଙ୍କ ନିକଟରେ ଋଣୀ । ଏହା ପୂର୍ବରୁ ଜାନୁଆରୀରେ ତିନିଜଣ ଭାରତୀୟ ସେନା ଶହୀଦ ହୋଇଥିଲେ ।
ବ୍ୟୁରୋ ରିପୋର୍ଟ,ଇଟିଭି ଭାରତ
