ଲକ୍ଷ୍ନୌ: ଡିଭାଇଡରକୁ ଧକ୍କା ଦେଇ ଓଲଟିଲା କାର୍। ଏହି ଦୁର୍ଘଟଣାରେ 7 ସାଧୁ ଆହତ ହୋଇଛନ୍ତି। ଘଟଣାଟି ଉତ୍ତରପ୍ରଦେଶ ଆମୋଲାର ଗ୍ରାମର କନୁଜ ଜିଲ୍ଲାରେ ଘଟିଛି। ତେବେ କାର୍ ଟାୟାର ଫାଟିଯିବା ପରେ ଭାରସାମ୍ୟ ହରାଇ ଗାଡିଟି ରୋଡ ଡିଭାଇଡର ସହ ପିଟି ହୋଇଥିଲା।
ପୋଲିସର ସୂଚନା ଅନୁସାରେ, ସମସ୍ତ ଆହତ ସାଧୁଙ୍କୁ ହସ୍ପଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ପବିତ୍ର ଗଙ୍ଗାରେ ବୁଡ ପକାଇବା ପାଇଁ ଏହି ସମସ୍ତ ସାଧୁ ରାଜସ୍ଥାନରୁ ଏକ କାର୍ ଯୋଗେ ଆସିଥିବା ଖବର ମିଳିଛି ।
ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ (ସିଏମଓ) ଏକ ବିବୃତ୍ତିରେ କହିଛି ଯେ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଘଟଣା ବିଷୟରେ ଅବଗତ ରହିବା ସହ ସମସ୍ତ ବରିଷ୍ଠ ଅଧିକାରୀମାନଙ୍କୁ ଘଟଣାସ୍ଥଳରେ ପହଁଞ୍ଚିବାକୁ ନିର୍ଦ୍ଦେଶ ଦେଇଛନ୍ତି। ଏବଂ ସମସ୍ତ ଆବଶ୍ୟକୀୟ ସହାୟତା ଯୋଗାଇବାକୁ କହିଛନ୍ତି।
@ANI
