ଅମରାବତୀ: ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲ୍ଲାରେ ମର୍ମନ୍ତୁଦ ସଡକ ଦୁର୍ଘଟଣା । ବିବାହ ଉତ୍ସବରୁ ଫେରିବା ବେଳେ ଘାଟିକୁ ଖସିଲା ଭ୍ୟାନ । ଦୁର୍ଘଟଣାରେ 7 ଜଣଙ୍କ ମୃତ୍ୟୁ ହୋଇଛି । ଭୋର 3.30 ସମୟରେ ଟାଣ୍ଟିକୋଣ୍ଡା ଘାଟ ରୋଡରେ ଥିବା ଭେଙ୍କଟେଶ୍ବର ମନ୍ଦିରରେ ନିକଟରେ ଏହି ଅଘଟଣ ଘଟିଛି ।
ବ୍ରେକ ଫେଲ ହୋଇ ଘାଟିକୁ ଖସିଲା ଭ୍ୟାନ, 7 ମୃତ
ବ୍ରେକ ଫେଲ ଯୋଗୁଁ ଦୁର୍ଘଟଣା ଘଟିଥିବା ଜଣାପଡିଛି । ଭ୍ୟାନରେ ମୋଟ୍ ୧୫ ଜଣ ଯାତ୍ରୀ ଥିଲେ ବୋଲି ଜଣାପଡ଼ିଛି। ସମସ୍ତ ଆହତଙ୍କୁ ସ୍ଥାନୀୟ ରାଜହମୁଣ୍ଡ୍ରି ସରକାରୀ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ସମସ୍ତ ମୃତକ ଗୋକବରାମ ମଣ୍ଡଳର ଠାକୁରପାଲେମ ଗାଁର ବୋଲି ଜଣାପଡିଛି ।
